與野生動物作鄰 張敬軒着「野豬夫婦」注意安全

前日（17日）漁農自然護理署在深灣道進行捕捉野豬行動，期間利用麻醉槍捕獲，有7隻野豬被人道毀滅，激發全城熱議。忙於為跨年演唱會準備的歌手張敬軒，不忘為他的一對「鄰居」野豬夫婦「阿梅」和「阿強」發聲！他昨晚（18日）在社交網分享多段在住所附近拍攝的短片，片中見「阿梅」和「阿強」急急腳「走佬」，期間更聽到他跟遠處的「阿梅」和「阿強」說：「Hello！茶都唔飲杯就走！」

張敬軒發文說他的鄰居，除了有愛開派對的外籍人士及教授梁夫人外，更有一對野豬夫婦「阿梅」和「阿強」：「仲有箭豬仔一家大細，黃麂兩隻。」他自言十分享受和這班鄰居們一起生活，更向「阿梅」和「阿強」兩公婆寄語要小心，注意安全外，字裏行間不贊同以殘忍的方法去解決。

張敬軒寫道：「我鍾意亦都好享受呢一種人類同野生動物一齊共存嘅生活方式，你知嘛，唔係度度都有㗎。呢啲生態資源亦都係呢個國際都會兼石屎森林入面珍貴嘅一種生活方式。要解決問題唔係淨係得殘忍嘅方法，所謂辦法總比困難多，只要肯去諗，冇話冇。我會同『阿強』兩公婆講，你哋要保護好自己同啲細路，唔好成日周圍走喇。我都唔明，其實我哋作為眾生之一，又有乜嘢權去任意呢個屬於彼此嘅棲息地。」