雅虎香港新聞 與電影美指4年婚姻去年告終變摯友 卓韻芝︰兩個人比從前更了解對方
由電台主持轉型成多媒體創作人嘅卓韻芝，今早喺社交平台宣布同結婚4年幾嘅電影美術指導梁子賢已經分開一段時間。阿芝寫道︰
得悉你獲取提名，我很高興，肉緊死人，典禮翌日仍在互相提醒和勉勵；自問沒曾想像婚姻會結束，更沒曾想像婚姻結束時內心竟有貢獻感。
上年，我們分開了，兩個人比從前更了解對方，多了一段糊里糊塗的共同記憶，一場離合散聚的共同體驗，情誼不會結束，而是生命裡多容納一個靈魂。你將永遠是我的朋友，我將永遠有你撐腰；我倆的內心小孩純潔如初。
繼續約食飯、相約BBQ，我說過「保重」，說完我失笑，好像好像誇張了。
愛情有雷，婚姻有義。梁子賢，勾過手就是朋友。I have a pen, the pen is blue. I have a friend, the friend is you.
今年44歲嘅卓韻芝，2018年喺著作《峰迴路轉》自爆同拍拖三個月嘅梁子賢結婚，並於同年9月舉行婚禮。阿芝同唔少女星係好朋友，佢當時嘅姊妹團成員有鄭秀文、梁詠琪、蔡卓妍、周勵淇等，陣容鼎盛。
而婚後阿芝不時分享同子賢嘅生活點滴，到早幾日香港電影金像獎頒獎禮，梁子賢同撮合佢同阿芝認識嘅張蚊憑《飯戲攻心》獲提名最佳美術指導，阿芝都有出post打氣。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
