范冰冰情人節孤伶伶 化全妝網民差啲認唔出

內地女星范冰冰自2019年與李晨分手結束4年情後，感情生活一直空白，前日情人節，佢被拍到喺商場閒逛，見佢打扮簡單，西裝褸兼牛仔褲，配上貝雷帽。雖然佢化上全妝，但其臉上妝容都掩蓋不住憔悴，面頰明顯消瘦不少，有人突破盲點問道：「不是要求在室內公共場所必須要戴口罩嗎？」又有網民直指佢變成網紅臉：「不說還真的看不出來是范冰冰！」但亦有好多粉絲解畫：「39歲的顏值就是這麼厲害！」此外，當日佢亦喺社交網分享「情人節大餐」只有單人份，相當清淡。