落嘴頭恨拍續集 Edan Anson Lo未戀夠 閨房樂升級

·2 分鐘文章
Edan(左)與Anson Lo老友鬼鬼,再親熱啲都冇問題。
Edan(左)與Anson Lo老友鬼鬼,再親熱啲都冇問題。

人氣男團MIRROR成員Anson Lo(盧瀚霆)與Edan(呂爵安)在劇集演情侶,有不少煙韌場面,睇到女生心心眼尖叫!原來2人都覺得唔夠喉,希望開拍續集或電影版,公開「閨房樂」!

憑港版《大叔的愛》爆紅的Anson Lo與Edan,前晚偕MIRROR隊友Stanley、黃德斌及簡慕華等,為日版《大》劇宣傳。談到劇集口碑、收視俱佳,2人直言期待拍續集或電影版,問到若結局收視突破雙位數會否「咀爆」?Edan搞笑說:「如果3位數,乜都做添呀!」又異口同聲表示15集感情線「唔夠喉」,若有續集希望加「閨房樂」:「可能大家期待嘅唔係肢體上嘅親密,而係日常生活嘅互動,好似一齊刷牙同睇電視、講古仔氹瞓覺咁!」

操肌爭新劇「男一」

談到有Fans的老公成立「苦主大聯盟」,有Fans甚至將Anson Lo的大相掛在客廳正中,他笑說:「辛苦大家屋企多咗樣嘢要打掃。(有冇試過喺街見到『情敵』?)喺升降機遇到住同一大廈嘅苦主男士,佢話唔憎我,又問我係咪好緊張。」此外,ViuTV將開拍新劇《i.SWIM》,有指2人與隊友都對「男一」位置虎視眈眈,更已是大熱之選。當中Edan早前一幕沖涼戲相當吸睛,而他亦操肌操上癮變「大隻安」,誓與Anson Lo拗手瓜。

至於黃德斌與簡慕華對《大》劇續集相當期待,問德斌是否多了工作,他說:「有啲啦!好多仲傾緊。(多咗HeHe粉絲?)咁又唔知喎!」他昨晨又出席活動,透露曾參加22公里越野跑山,但成績不理想,希望鍛煉體能再挑戰50公里。

黃德斌與簡慕華默契十足。
黃德斌與簡慕華默契十足。
上演姊弟戀的Stanley,演技獲讚賞。
上演姊弟戀的Stanley,演技獲讚賞。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能