葡萄友：華仔能成為民間特首的5個做人態度

葡萄友

華仔劉德華墮馬受重傷！今年55歲嘅劉德華日前係泰國拍攝廣告，期中要拍一場騎馬嘅場景，但隻馬突然發狂將佢拋下墮馬不特只，仲踩到華仔嘅腰脊令到佢盆骨撕裂。華仔立即被送去泰國醫院治理，然後再係尋晚乘坐醫療專機返香港，係養和醫院接受治療。華仔同經理人公司尋日下晝亦都有發聲明同埋報平安：「目前有醫療團隊很妥善的照顧，我一切平安，請大家不用擔心，謝謝大家的祝褔。」墮馬受傷真係可大可小，希望佢吉人天相，早日康復啦。

由今次嘅意外，就可以得知華仔影響力係幾咁大亦都好多人關心同關注佢。能夠咁成功、有如此地位嘅藝人唔多，而佢做到呢個地步，可以歸因於以下幾個因素:

敬業樂業

華仔自2000年起擔任呢個飲品品牌嘅形象代言人，經常都要親自攀山涉水去拍攝靚嘅畫面。其實今次都唔係佢第一次受傷，好似01年《全職殺手》就試過個頭撞正地鐵門頂、03年《大隻佬》揸電單車時就撞車兼傷及舊患，不過今次墮馬就係最嚴重嘅一次。

形象正面

普通階層出身嘅華仔憑個人努力達到今日嘅成績，好似以前佢曾被人批評唱歌唔得，於是佢不斷磨練自己先唱出今日咁多經典歌曲。加上佢一直都形象健康良好、係全能藝人、同媒體關係正面又出名錫fans，雖然曾經一度瞞婚而被人評佢為「大話天王」，但為咗保護家人絕對為人理解同體諒。所以佢一路都係大眾偶像更加有「民間特首」之稱。

多棲發展

自1980年考入藝員訓練班開始，華仔就開展佢嘅演藝仕途，首先當然係電視劇，其後係82同85年開始涉足電影圈同歌唱，至今一直活躍，拍過嘅唱過嘅無數，好多更加係經典同深入民心，而且多方面發展都相當成功，成績有目共睹。

重視他人

華仔受傷，香港傳媒當然係全面都有報道。除咗香港、中國、台灣等華人地區都有大肆報導之外，泰國、韓國其至美國嘅娛樂新聞網站《Variety》都有提及，由於粉絲眾多，佢都立即向公眾交代，即使係小小的粉絲都很重視。

工作認真又搏殺

華仔出名勤力如牛一樣，工作認真又博殺，樣樣親力親為，即紅身為天王都毫無架子，單單係呢種做人做工的態度，都抵佢紅足咁耐啦！

相片來源：劉德華粉絲同學會＠facebook、華仔天地