蔡思貝傳劈腿!胡鴻鈞追女富商反擊:我要更有錢

·3 分鐘文章
蔡思貝傳劈腿!胡鴻鈞追女富商反擊:我要更有錢
蔡思貝傳劈腿!胡鴻鈞追女富商反擊:我要更有錢

藝人胡鴻鈞(Hubert)及謝嘉怡(Lisa)今日(15日)於大埔出席活動,後者更有父母現身支持,非常Sweet!Hubert於活動中獲贈全年免費戲飛,甚至可邀請親朋好友一齊睇,打趣問會否預埋「女友」蔡思貝?他即轉移Target話:「會叫埋屋企人,佢(蔡思貝)Afford到唔使我請啦,同埋佢依家又劇接劇,希望佢爭取時間休息。(你要籌備個唱咪少咗見?)最近係少見咗朋友,連私人時間都少咗。」

等你呀!
等你呀!
胡鴻鈞與謝嘉怡出席活動。
胡鴻鈞與謝嘉怡出席活動。

問到得悉「女友」被有米富商力追?他直言都是透過報道才知道,追問有否向「女友」求證?他否認是「八卦」冇過問:「好朋友要畀空間,佢想講就講,唔會刻意問,最緊要開心。(咁你聽到女友『一腳踏兩船』有冇唔開心?)我冇嘢,但會戥佢唔開心,見到帶傷害性字眼嘅新聞,會有影響,我係佢都會唔開心,佢承受好大壓力,希望唔會再被寫。」

問到若被有米富商「追」擊成功怎麼辦?他竟語帶輕鬆笑說:「我又追個女富商囉!睇機遇同緣分!(要同女友個富商睇齊?)我要更有錢,哈哈!(依家仲借家姐架車畀女友揸?)一路都係,家姐唔喺香港而佢又有需要。」

雖然即將於11月尾開騷,但他表示還未閉關,稍後還要宣傳新劇:「有同公司講如非必要就唔好接其他工作住,想多啲時間排舞,希望畀到Fans驚喜,而唔係驚嚇!(跳好多?)都有四分之一,有早啲叫排舞老師開始排。」笑問跳舞是強項?Hubert先抵死自翊「簡直輕而易舉」,後笑說:「一定有難度!又唔係跳開舞,係個挑戰。(有冇被舉起360度嗰啲?)未知呀,哈哈!」

謝嘉怡父母到場撐女兒。
謝嘉怡父母到場撐女兒。
胡鴻鈞都係口硬心軟,叫「女友」爭取時間休息。
胡鴻鈞都係口硬心軟,叫「女友」爭取時間休息。

身為「大埔人」的Lisa,對大埔開戲院表示開心:「好鍾意睇戲,特別係喜劇,對依家拍劇都有幫助,依家拍劇學識睇機位,不過廣東話仍然未夠好。」笑說她於《愛·回家之開心速遞》中的角色狂篤人魂精,Lisa大笑話好好玩:「依家篤得好準,Daddy平時都會同我玩。」有同爸爸對戲?她指有,並取笑爸爸是「老人家」:「佢話劇本啲字太細粒,我讀完佢都未讀到,我叫佢戴番眼鏡好啲,哈哈!」

謝嘉怡好開心大埔有戲院。
謝嘉怡好開心大埔有戲院。
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能