薛芷倫住過億豪宅獨立屋 裝修豪華兼有獨立衣帽間同K房

現年58歲嘅「Ball后」薛芷倫（Fanny），於09年患上乳癌，最終抗癌成功，不過化療令佢走晒樣，更被網民話佢整容失敗，Fanny指自己患上後遺症Steven Johnson Syndrome（史蒂芬強森症候群），令身體多處潰爛，痛過生仔。含住金鎖匙出生嘅薛芷倫，自細衣食無憂及出國留學，佢22歲嘅時候父親離世，所有財產轉移到佢名下。而佢現時就居住喺赤柱市值過億嘅豪宅獨立屋，早前佢上載幾張居家抗疫嘅睡衣照片到社交網站，不過網民就將焦點放喺佢豪華嘅屋企裝修上面。

有指呢間豪宅一早已經購入，不過裝修咗好耐先入住，而所有嘅裝修都係薛芷倫一手設計，喺早幾日嘅睡衣照片上，大家可以睇到客廳走宮廷風，裝修非常豪華，除咗以淡金色為主調之外，客廳放有古典歐式梳化、壁爐、鏡子及吊燈。除咗之外，薛芷倫亦有上載與友人喺屋企共進晚餐及其他家居照到社交網站，令全粉紅色衣帽間、紅鶴大型壁畫牆、廚房及卡拉OK房等地方曝光。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！