衛蘭做導師 寄語學員勿模仿

東方日報
·1 分鐘文章
衛蘭認為個人風格最重要。
衛蘭認為個人風格最重要。

歌手衛蘭及JW為無綫新歌唱比賽節目《聲夢傳奇》擔任導師,問到導師之間會否「對決」?她們笑言不知道,今次主要揀學員入隊。衛蘭表示覺得個人風格最重要,切忌模仿原唱者;JW奉勸參賽者不要選唱她的歌︰「因為我好熟自己啲歌,知道咩位難唱,雖然佢哋揀我嘅歌會開心,但同時好戥佢哋擔心,反而唱男歌手嘅歌係會好啲。」她們均否認是嚴師:「會體諒佢哋、想佢哋做得好,始終都係新,會想同佢哋分享我哋識嘅嘢。」

提到許廷鏗離開華納,前同門衛蘭坦言跟對方不熟:「同佢係同事關係,希望佢之後嘅路會開心。(佢回復自由身多咗嘢做?)咁我背後都做緊好多嘢,儲緊子彈。」

衛蘭與JW讚每位學員都很有潛質。
衛蘭與JW讚每位學員都很有潛質。