袁偉豪宣傳新歌 呻外界錯重點

最近「身痕」轉做歌手的袁偉豪，曲詞編監唱、和音、結他及MV導演都一手包辦，加上頻頻宣傳，工作壓力可想而知！無綫處境劇《愛．回家之開心速遞》日前抽水，將其「我欠咗你哋班傳媒？」言論加入劇情，令他壓力爆煲，昨日在社交網意有所指，「大平反」稱現已不感失落：「點解啲報道永遠都係錯重點？明明係宣傳新歌，講吓近況，但係永遠出嚟就係錯重點嘅呢？又繼續無限放大？請大家千祈唔好覺得我仍然好失落，最差最壞嘅都已經捱過，我現在好好，真的很好，好開心。」不過，未幾他又將貼文刪除。