袁偉豪爆Seed:請繼續話我食軟飯!

袁偉豪面對種種批評,忍唔住要「抒發感受」!
袁偉豪面對種種批評,忍唔住要「抒發感受」!

藝人袁偉豪近期因狀態欠佳被冠以「醜男」稱號,加上去年與家底雄厚的張寶兒結婚後招來話柄,他終按捺不住深宵發文反擊:「請繼續話我食軟飯。」

現年39歲的2007年香港先生冠軍袁偉豪(Ben),日前出席TVB《萬千星輝頒獎典禮2020》後,被網友批他狀態大不如前,對此,他在社交網發長文解釋,指身體狀況時好時壞,每天趕着拍攝進度,也不能吃飽,擔心肥導致上鏡不好看:「半天的假期也要趕着準備頒獎禮,起床做運動後隨即要參加頒獎禮,我承認係有啲攰。儘管你們覺得我是結婚後走樣,甚至乎醜男也好!感謝大家特意地為我開一個話題,來為大家抒發一吓你們的壓力。」

扁桃腺有問題致面腫

雖然看似不在乎別人的想法,但對於與張寶兒結婚後引來不少議論,他則按捺不住,坦言能力愈大責任愈大,一直努力拚搏和工作賺錢照顧家人、太太和供樓:「好多謝你們的批評。請你哋繼續去批評我,繼續話我食軟飯,繼續話我去做鴨,繼續話我一味靠黐,繼續話我做戲好屎,你們的負面批評只會讓我繼續努力去做好自己!」

對於爆Seed一事,Ben接受本報訪問時說:「借機會抒發吓感受,呢啲說話我睇咗好多,主要都係呢幾個類別,數據都收集咗好耐,佢哋就繼續Enjoy喺自己世界入面。」對於身體狀況,他說:「我不嬲都係個扁桃腺(問題),下巴兩邊位耐唔耐就有啲腫脹,導致血氣唔通,就會面腫,我成日都會按吓、通吓面部淋巴,呢個係主要原因,第二,的而且確依家唔係30幾歲嘅階段。」

袁偉豪日前與張寶兒出席頒獎禮時,被指跌Watt。
袁偉豪日前與張寶兒出席頒獎禮時,被指跌Watt。