被女網紅要求賠償10億 鍾培生終出PO反擊

「百億富三代」兼有「香港電競之父」之稱嘅鍾培生（Derek），近年搞嘅拳賽都成為城中熱話。除此之外，佢豐富嘅感情生活同樣引起網民嘅關注。繼上年袁嘉敏事件後，近日17直播網紅Ashley爆料指與鍾培生有感情轇轕12年，要求鍾培生賠償10億，否則喺IG上直播即場割脈。不過原來Ashley已經多次出PO炮轟鍾培生，不過一直未有得到回應。去到今日，鍾培生終於喺社交網站出PO回應啦！

17直播網紅Ashley原來唔係第一次出PO炮轟鍾培生，例如袁嘉敏事件後，佢就喺IG整咗一個關於鍾培生嘅限時動態專欄，除咗大爆二人關係之外，仲直斥對方做廢柴。去到噚日（30日）Ashley仲要求鍾培生賠償10億，如果唔係就直播即場割脈。嚟到今日，鍾培生終於喺社交網站出PO回應，指自己唔識呢位Ashley，同埋已經報警處理：「與這位”女網紅”素未謀面，完全不認識，我被網絡暴力所要、被隔空勒索、被恐嚇長達快三年，我已經報警兩次，等待警方處理結果。」

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！