被控於公眾地方擾亂秩序 林穎彤孭名牌袋應訊 出庭前發公開信向特首求助

警方就加密幣平台JPEX風波，拘捕TVB29歲藝人鄭雋熹。而鄭被捕後，同時爆出佢同TVB另一位女演員林穎彤Bella原來秘戀2年，更指Bella同鄭雋熹涉及另一宗案件，一同被控涉嫌在公眾地方行為不檢。

根據法庭資料，Bella、鄭雋熹與另外4名姓冼、劉、楊及梁嘅4名親友一同被控「阻礙公職人員」及「在公眾地方作出擾亂秩序的行為」。鄭雋熹係第3被告，Bella係第5被告。

鄭雋熹同林穎彤今日就案件到粉嶺法院應訊，兩人先後抵達，但不約而同著白衫。而近期經常孭靚手袋出入嘅Bella，今日都係孭咗個市價2萬6千幾蚊嘅LV手袋。控方申請將案件押後至11月17日再訊，6名被告毋須答辯。

而Bella出庭前喺個人IG向特首李家超發公開信，提及相信係案情嘅事發經過。Bella更在信中表示「現懇請 特首垂詢關注此事，尊下正行、體恤良民，儘快派遣專員調查整件事實真相」。

由於公開信涉及案情，有記者今日問Bella會唔會觸犯妨礙司法公正，Bella就話發公開信前已經問過法律團隊意見，並且得到同意。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！