講盧啟賢即刻笑 廖碧兒唔否認今年嫁

東方日報
·1 分鐘文章
廖碧兒表示與盧啟賢是朋友。
廖碧兒表示與盧啟賢是朋友。

藝人廖碧兒及林曉峰(阿Lo)昨日以主持身份錄影ViuTV節目《是滴是友》,笑言想不到邀得的嘉賓酒量都很好。提到之前食生日飯,與她關係撲朔迷離的盧啟賢坐在她身邊,她即笑說:「同佢一直都係朋友,大家聖誕、新年都要隔離,趁Lunch Time一齊聚吓。」問到之前有傳兩人今年結婚是真定假?她即落閘:「唔知喎!不嬲都唔講呢啲,到我真係結婚會同大家講!」阿Lo即幫手擋駕指對方追求者大排長龍:「我都排唔到龍尾,只係有幸一齊做節目。」

同場有夏雨與兒子黃奕晨擔任嘉賓,是首次父子檔拍節目,問到可會想一起拍劇?夏雨說:「有咁嘅機會唔抗拒。」黃奕晨即斗膽笑言想掉轉演爸爸:「依家好興穿越劇o架嘛!」