謝雪心舌戰馬國明 抱抱呵番

藝人謝雪心、鄭世豪與歌手黃妍昨日現身工展會，謝雪心近期忙於拍攝無綫劇《法言人》，幸好昨晚仍可抽空與朋友歡度聖誕。劇中她與馬國明飾演大狀，經常針鋒相對，停機後對方會識做地攬攬她，而她拍攝前亦做足功課：「搵律師朋友帶我去法庭聽審，背熟啲專有名詞，以前以為拍古裝難，原來演專業人士仲難！」

黃妍則表示朋友很欣賞她的廚藝，每次聚會都指定要她下廚：「最拿手滷水，每次食完飯，佢哋都打包埋啲汁走！」而鄭世豪聖誕夜與太太在家度過：「平時要拍劇，好難一早定實時間畀朋友，佢哋已經慣咗節日唔約我喇！哈哈！」又預告元旦不用開工，呼籲大家約他。