譚耀文廁所跪地示愛

藝人譚耀文客串演出英皇電影《怒火》，片中演甄子丹上司，他笑言對方性格衝動：「子丹名副其實有怒火，但屬於正義嗰種，我就搞佢唔掂喇！有場戲講我跪低求佢，喺洗手間對戲，同佢講『我愛你』安撫佢。（講到起雞皮？）我當同自己個仔講啫！」

談到首次與導演陳木勝合作，卻是最後一次，阿譚說：「依家講番轉頭，開工時佢面色有啲唔同，仲戴住太陽眼鏡，以為佢曬黑咗，原來當時佢係頂住咋！」他指陳導是自己最欣賞的導演之一，會永遠記得對方親切的笑容。