讚古天樂有心「護花」 姚焯菲:佢可能驚講錯嘢!

·2 分鐘文章
對於古天樂避談《聲夢》,Chantel大方表示不介意。
對於古天樂避談《聲夢》,Chantel大方表示不介意。

藝人姚焯菲(Chantel)日前與古天樂同場,對方受訪時拒談《聲夢》,事件昨日繼續發酵。Chantel回應時甚有大將之風,指對方只是為大家着想。

《聲夢傳奇》5位學員Chantel、Rock、詹天文、張弛豪及林智樂昨日在銅鑼灣出騷,吸引Fans逼爆3層商場,唱片公司高層何麗全親自監場,又以手機拍下演出及觀眾的反應。

事後Chantel與Rock齊齊受訪,談到古天樂拒回應有關《聲夢》問題,他們表示不介意,Chantel說:「佢咁做都係保護我哋,因為大家唔係接觸得好多,佢可能驚講錯嘢。(想合作?)想,但點都要做好眼前嘅演唱會先,其他嘢遲啲先算。」Rock則說:「古生係我哋嘅前輩,相信大家都好想同佢合作。(冇唔開心?)佢都冇講啲咩,觀點見仁見智,我覺得古生同我哋同台合照都好開心。(有傾偈?)咁多傳媒朋友圍住佢,點埋到身呀?」

演唱會加場

何麗全則宣布《聲夢演唱會》加場:「唔想啲學員孭飛債,8月12號加最後1場,總共4場,冇得再加喇!因為場地檔期問題。(演唱會之前為學員推出單曲?)炎明熹同張弛豪嘅新歌正在準備中,我哋仲安排咗姚焯菲、鍾柔美、詹天文及文凱婷演唱《多啦A夢》主題曲,以配合今年嘅兒歌金曲頒獎禮。」又坦言炎明熹較適合單飛發展。問每位學員是否獲公平對待,他說:「一定會,起碼每個學員都有自己單曲,以配合佢哋嚟緊拍嘅青春劇。(積極訓練佢哋嘅演技? )佢哋有啲已經上緊藝員訓練班。」

Chantel(右起)、詹天文、林智樂、Rock及張弛豪到商場演出。
Chantel(右起)、詹天文、林智樂、Rock及張弛豪到商場演出。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能