賽馬賭波同涉獵 洪卓立3個月輸7萬 被批爛賭

歌手洪卓立專注音樂事業發展之餘，原來對賽馬及球賽同樣有研究。他在社交平台透露分享博彩戰績，但就表示於3個月內輸光之前贏得的7萬多元，即被網友批評爛賭！

洪卓立（Ken）原來眼光非常獨到，早前他在社交平台上載兩項投注紀錄的截圖，第一張相片顯示他以1,000元為本，投注球賽贏得11,500元；另一張截圖則可見他投注賽馬，以720元贏得73,994元，他發文：「間唔時會玩吓嘅，小注怡情，最好彩呢次，不過輸番晒出去了！」

強調小注怡情

有網友驚訝他於短短3個月就輸掉7萬多元，批評他爛賭，Ken對此表示︰「就算有都唔敢開心Share啦，話明間中玩吓，又話人爛賭，認真嘢又唔見佢講、唔見佢報，亂講嗰啲反而咁認真。」有網友問他：「會唔會覺得好多人對買馬、買波呢啲印象唔好，反而股票嗰啲就冇事，明明大家都係賭博或投資？」Ken回覆︰「我唔敢講邊樣啱、邊樣唔好、邊樣有技術、邊樣靠運氣，我亦唔係鼓吹緊人哋去做呢兩樣嘢。你有你鍾意嘅球隊，我有我睇好嘅公司。只能夠講，小注怡情。至於個『小注』點樣去畫尺，我諗就要睇番你自己，唔好過分就成立。」

本報聯絡上Ken，對於參與博彩活動惹來批評，他表示：「其實真係唔係成日玩，只不過真係嗰次咁好彩。至於嗰7萬蚊，其實話輸番晒出去只係同網民講吓笑，咁好彩贏嘅Lucky Money，點會掉番落去吖？不過就真係使咗唔少嘅，用嚟換電腦、做直播、買game、做運動、買嘢畀幾隻寵物，同埋送啲小禮物畀屋企人，所以啲錢都真係要睇住嚟使。」