迪士尼匙扣連2膠樽4樽蓋發售 環團詫異：違減廢走塑潮流

【Yahoo 新聞報道】有迪士尼產品引起環保爭議！迪士尼與7-Eleven便利店合作推出「迪士尼100周年紀念匙扣」，但每個公仔匙扣均連同兩個膠樽及四個膠樽蓋出售。有環團批評有關設計違背近年全球減廢走塑的大潮流，對於有跨國大企業推出此等有違環保理念的產品，感到詫異和失望。

文字記者：Carmen C.

攝影記者：H. H.

特定款式炒至250元

迪士尼與7-Eleven今年4月26日合作推出「迪士尼100周年紀念匙扣」，共45個款式，包括米奇、唐老鴨、小熊維尼、反斗奇兵系列及迪士尼公主等。產品分四周推出，每件匙扣售78元，兩件則售118元。在網上旋轉拍賣平台，特定款式更被炒賣至每件88至250元。公仔匙扣推出後，相當受網民歡迎，有網民指「佢哋（公仔）俾人困住咗」，有網友稱「等你拯救佢哋」。亦有網民好奇：「有冇人知點拎公仔出嚟？」

網民1：有網民對此產品設計非常受落，稱「佢哋（公仔）俾人困住咗」、「等你拯救佢哋」。

網民2：有網民見到網上宣傳帖文後，亦疑惑如何取出公仔。

炒：有特別款式如米奇及布魯圖，在旋轉拍賣網站已炒賣至$250一隻。

記者到7-Eleven分店查看，上述產品資料顯示代理為「Innoduction Group Inc Ltd.」。匙扣置於一個透明膠樽內，可從樽底取出匙扣，產品連同另一支印有迪士尼公仔圖案的膠樽裝飲用水一同出售，每個膠樽均附上白色膠樽蓋，外加一個藍色膠樽蓋作裝飾之用。換言之，消費者買一個匙扣，就會獲得兩個膠樽及四個膠樽蓋，而當中裝公仔匙扣的膠樽亦無法重用裝水。

綠惜地球總幹事劉祉鋒指，香港以至全球各地的環團甚或政府，均呼籲市民少買樽裝水以「走塑」，對迪士尼此等跨國企業仍然出產此類產品感到失望。他指打開膠樽底部取出公仔後，該樽已無法重用盛載飲料。劉解釋，環保減廢有多個層次，由最理想應先由源頭減廢避免產生廢物，其後依次為減少產生廢物的數量、重用、回收，最後手段才是棄置。上述產品只能在回收層面處理，並不理想。

劉祉鋒續指，聯合國去年帶領全球逾170個國家，簽署減少塑膠污染的協定，「聯合國都出聲，呢個訴求就係嚴重嘅、全球性嘅問題。」他形容迪士尼反其道而行，製造更多即棄塑膠，「反映佢哋唔理解現時嘅實況、大家對走塑嘅睇法」。他相信迪士尼公司亦有可持續發展政策，「大企業都唔識得做，對件事欠缺敏感度，係幾詫異同失望」。

籲消費者勿直接丟棄產品

劉亦呼籲已購買此產品者，「裝公仔個膠樽一係就好好保存佢，唔好等佢流落海洋或者海灘」，至於飲用水的膠樽就可循環再用後，拿到「綠在區區」回收，避免直接棄於垃圾桶。

《Yahoo新聞》分別於5月11日、5月16日及5月17日，循電郵及有關網站「傳媒查詢欄」向迪士尼、7-Eleven及產品代理商「Innoduction Group Inc Ltd.」查詢，包括有關產品設計的原委、曾否考慮環保元素及有否收到投訴等，惟截稿前均未有回覆。

• 更多綠色新聞🌍資訊，即睇「Yahoo可持續發展」專頁！