造星造星4|A1有心結要導師許廷鏗介入調停 Marf獲陳輝陽點名讚

《全民造星IV》
《全民造星IV》

ViuTV選秀真人騷《全民造星IV》上星期五公佈60強名單,喺噚晚(22日)最新一集隨即開展第二輪淘汰賽,許廷鏗嘅A組同梁祖堯嘅B組進行正面對決,隊伍表演「自選項目」以及「跳舞項目」後,評判們就會按燈評分,即時淘汰一位落敗一方嘅參賽者,敗方導師要額外淘汰三位隊員。經過五輪對決後,落敗一方嘅導師需要額外淘汰3名成員,即係話一共有20人被淘汰,《全民造星IV》40強誕生。

第二輪淘汰賽嘅評判團,包括泳兒、鍾舒漫、陳輝陽、少爺占及韋羅莎。而第一輪嘅小組對決係A1對B5,A1成員包括Marf(邱彥筒)、穎蕎、Ada仔(姜詠鑫)、Tengie(區廷筠)、Ika(廖芷嘉)及安希婷,佢哋喺初期非常齊心,不過練習後成員之間開始有心結,最後要導師許廷鏗介入了解及調停,期間Alfred仲話就算表演好看都唔係嗰件事,佢知道賽制,去到最後都係由佢揀選淘汰嘅人,呢組佢會全組淘汰。另外,佢仲話:「我同阿祖有共識,當有呢啲嘢,一律即場DQ處理,呢一種唔專業比起佢哋完全冇才華、走晒音、跳舞唔得、唔識演戲嚟講,係更加致命。」

A1可以話係許廷鏗嘅皇牌組合,因為佢喺記者會講過A1組係佢嘅心水。而今次嘅A1的確個個都係唱得之人。今次嘅自選項目係《Monsterssssss》,6位參賽者以純白造型登場,相當有氣勢。表演完結後,評判們都大讚佢哋表現出色,當中陳輝陽更點名讚Marf係最突出嗰一位。

而B5嘅成員包括東東(郭東彩)、Alice(許寶恆)、Dru(鍾君珩)、潔滢(余潔滢)、Carina(李晞彤)及蘇菲(陳莉詩),而佢哋嘅自選項目係《我》(改編自姜濤嘅《Master Class》),雖然佢哋嘅概念獲得導師梁祖堯嘅認同,不過評判們似乎麻麻哋佢哋嘅表演,泳兒更指聽到有嚴重走音。

去到「Dance Battle」,兩組都非常落力,表現得相當不俗,而賽果將會喺今晚揭曉。

《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!