連詩雅期待與「情敵」合作

·2 分鐘文章
連詩雅離港3個月,竟然最擔心狗狗認不到她。
連詩雅離港3個月,竟然最擔心狗狗認不到她。

連詩雅(Shiga)早前離港3個月,近期才回港,記者追問她有否掛住陳家樂,她即以愛犬扯開話題,避談男友!至於有傳黃嘉雯介入,Shiga則指自己有份選對方做港姐冠軍,並希望將來可合作,力證無芥蒂!

歌手連詩雅、泳兒(Vincy)、許靖韻、鄭欣宜以及Gin Lee等,前晚於電視城錄影《勁歌金曲》,因拍劇離港3個月的Shiga,受訪時表示30幾歲人都未試過長時間離開屋企,問到身在異地最掛念誰?她先賣口乖指是傳媒,再說是屋企人、愛犬,那麼男友陳家樂呢?她即「抵死」地以愛犬扯開話題,「投訴」狗仔忘了她:「佢依家黐媽咪多啲,我有少少唔開心,其實都有擔心過佢一見到我會吠,好彩冇!(有同家樂視像?)我同好多人都有視像,例如黃翠如同YoYo(陳自瑤)。(『520』你都同佢哋過?)佢哋對我都好重要,其實自己都唔記得呢個日子。」

講到有傳她與陳家樂冷戰中,Shiga坦言不想再回應感情事:「希望大家專注我嘅工作。(男友出活動有講你哋好穩定、生活愉快。)我都生活愉快,多謝大家關心!」再提到早前有傳港姐黃嘉雯介入,她表示認識對方:「嗰陣選港姐係我揀佢做冠軍,希望遲啲有機會合作。」

泳兒唔擔心有咗

同場的泳兒身體近日頻傳「警號」,低調入院之餘又被撞破排隊睇中醫,她受訪時表示現況很好,入院期間照了胃及腸,其中以照腸最為辛苦,因為事前要飲瀉藥,記者打趣問是否有喜?Vincy笑說身邊同事有恭喜她:「我話想嘔嗰陣嚟恭喜我,不過,我又真係唯獨冇Check呢樣,但安全嘅!(男友都有諗過你有咗?)佢可能會擔心,哈哈!但係佢送我入院嘅。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能