遭環球雪藏一年Jace陳凱詠完約在即 出IG Story透露新歌時間表

正值上位嘅歌手陳凱詠（Jace）跳得又唱得，深得唔少網民喜愛，不過上年遭被所屬環球唱片公司雪藏，喺推出單曲《Long D》後一直未獲安排推出新歌及工作，及後環球發聲明指「環球唱片與Jace雙方理念不一致，所以就續約一事未達成共識，環球唱片現階段的情況只好等她於明年約滿離開。」 。

唔經唔覺Jace喺雪櫃唔經唔覺一年，佢不時都有喺社交網站上載靚相與網民分享生活點滴，噚日Jace喺IG出限時動態表示因「台北香港都打風喎」同網民傾下偈，期間有網民關心佢嘅歌唱事業問佢幾時完約及出新歌，而Jace就話好多謝大家一直關心呢個問題及表示將於放榜之前出新歌「How bout i promise 放榜之前？」，不過今年DSE先放榜冇幾耐，睇嚟一班粉絲仲要等多一陣啦！

另外，Jace喺今日（1日）凌晨喺IG出PO，上載一張旅行靚相及留言話：「雖然出面可能風大雨大 Im exceited to be on this whole new journey」；而佢嘅IG簡介亦移除“Universal Music HK”，並換上新工作電郵。呢個PO一出後，除咗Gin Lee及藍奕邦留言支持之外，唔少網民都留言力撐佢，例如「can't wait 」、「期待牙詠強勢歸來！」、「期待」、「excited to be on this journey with youuuu」、「等你叉爆電強勢回歸樂壇」、「牙詠回來了」、「等妳公佈動向好耐鳥」、「等緊你出新歌呀」、「期待新歌 支持」、「恭喜你終於自由，期待你的新歌！」、「全力支持 等咗好耐啦!!!」及「終於等到，加油！」等等。

而Jace喺接受傳媒訪問時表示多謝大家嘅支持，而大家對佢嘅鼓勵，成功支撐佢唔容易過嘅一年；原本佢覺得時間過得好慢同好難捱，而家冇諗過突然過得咁快。而現時所有嘢好似要重新嚟過，不過大家唔使擔心佢，希望盡快有作品俾大家睇到。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！