郭富城演沉鬱爸爸 搵囡囡出「戲」

東方日報
·2 分鐘文章
郭富城沒有偶像包袱,希望開拓新戲路。
郭富城沒有偶像包袱,希望開拓新戲路。

影帝郭富城在新片飾演沉鬱爸爸,坦言不會抽離不到角色,因為每次回家見到兩個寶貝女,即可自動調節心情。他又稱想演喜劇,自認有搞笑天分兼沒有嚴父包袱,想在囡囡面前做開心果角色。

郭富城於電影《秘密訪客》飾演冷傲、沉鬱的父親,他說:「當時兼拍《麥路人》,好大挑戰,因為一套做流浪漢,另一套係大家族、好有錢,身份好大對比,但故事好紮實,容易投入角色。」又指片中有不少家族聚餐場面,大飽口福:「嗰啲美食真係由廚師現場炮製,好好食,仲要熱辣辣,NG咗都係咁食。最記得食牛扒,慢火煮24個鐘。」他冧指太太方媛學整甜品,試食後大讚好味。

教小朋友認字

問到可擔心難抽離沉重角色?他笑言:「返到屋企一見到小朋友就會抽離到,自己識調整心情。(考慮挑戰喜劇?)想!希望多方面嘗試,想試好多戲路,演員冇包袱,之前大部分都係演劇情片,我近10年都冇演過喜劇。(有喜劇細胞?)要慢慢發掘,我都funny嘅,我冇偶像或爸爸包袱,喺囡囡面前就要氹佢哋開心。」提到他近期迷上書法,可有跟家人一齊練字?他說:「囡囡係兒童班,學緊認字,都有教佢寫字。」並預告5月會開新戲,以及今年舉辦演唱會。

方媛做Gym紓緩背痛

另外,近日方媛上載做Gym片段,自爆為了紓緩痛症:「一開始做健身,是因為腰跟背很痛,醫生建議我去健身房做一些運動,鍛煉一下腹肌跟背肌,因為懷孕時不可以做一些運動,時間久了,慢慢肌肉就沒有力量。」