鄧萃雯與陳錦鴻轉投ViuTV 二人合作拍新劇！

東方新地 - 娛聞

更新日期： 2018年7月30日下午11:00

日前，有消息指鄧萃雯將與陳錦鴻合作拍攝ViuTV新劇，並於於新劇中，飾演一對結婚多年的夫妻，彼此感情已轉淡，丈夫受到新刺激，發展一段婚外情！另外，除了鄧萃雯和陳錦鴻投ViuTV拍劇，原來陳秀雯比他們更早就接拍了ViuTV新劇《教束》！

撰文：東方新地｜圖片：新傳媒圖片庫、微博、Instagram

鄧萃雯與陳錦鴻轉投ViuTV

日前，有消息指鄧萃雯（雯女）將會與陳錦鴻合作拍攝ViuTV新劇，二人於新劇中將會飾演一對結婚多年的夫妻，彼此感情已轉淡，丈夫受到新刺激，與由談善言飾演的文青插畫家發展一段婚外情！

相信今次這個貼地的男女情感故事題材，除了是吸引雯女接拍的其中一個原因外，亦因為她看準了新劇有猛人「南方舞廳」助陣，當年「南方舞廳」為林保怡、周家怡主演的《瑪嘉烈與大衛系列綠豆》擔任編審及監製，劇集播出後口碑極佳！

大家可能對於將會演出「第三者」的談善言比較陌生，其實談善言曾拍過電影，亦參演過ViuTV的製作。今次與兩位極具分量的演員合作，她曾坦言緊張，但有機會與好戲之人鄧萃雯合作，她因而表示對劇集好有信心！

《某日某月》，一個純愛簡樸的電影正式上映 Dress from @sportmax Hair by @larz214 Make up by @ger_ger #sportmax #某日某月
A post shared by 談善言 Hedwig Tam (@tamsyin) on May 31, 2018 at 10:54pm PDT

陳秀雯同樣轉投ViuTV

另外，除了雯女轉投ViuTV，跟雯女合作過三套經典劇集《再見亦是老婆》、《壹號皇庭IV》及《再見艷陽天》的陳秀雯同樣接拍了ViuTV新劇《教束》。據知《教束》已在拍攝階段，陳秀雯在劇中飾演副校長一角，還跟廖啟智有大量對手戲。

鄧萃雯倒戈之路

雯女先後於2009及2010年贏得無綫「視后」，入行多年，於演藝圈拍劇無數，因演出《巾幗梟雄》系列劇集而贏得多地獎項，亦因而首度成為連續兩屆的視后，事業可謂攀上高峰！

雯女一向演技一流，觀眾亦一直十分期待她的演出，無綫亦曾為她度身訂造劇本，例如《不懂撒嬌的女人》，可惜因傾不成條件而改用宣萱。

另外，最近拍攝中的《多功能老婆》，一直被認定是由雯女演出，可惜她因沒有齊全劇本而拒拍，最後由楊千嬅擔大旗演出，此事更鬧出搶角是非！

2012年，雯女有份主演的《金枝慾孽貳》收視麻麻，雯女直指收視麻麻的責任是因編審問題，最後她與無綫關係決裂，結束12年賓主關係。

楊千嬅神秘現身

無綫節目及製作副總經理杜之克和助理總經理余詠珊,去年積極游說殿堂編劇陳寶華回巢助陣,去年中寶華姐正式簽約同無綫合作拍一套劇,籌拍新劇《多功能老婆》,更一直盛傳女一人選是實力派鄧萃雯,寶華姐當時亦承認雯女是她心頭愛。「我同雯女合作嘅最後一套劇係《Loving you》,佢當然係我嘅心頭愛, 如果雯女肯返嚟拍,劇本我會為佢度身訂造 ! 」

上年10月，鄧萃雯受訪時已開心透露，好想同寶華姐再合作，更已預留檔期給對方，冇想過原來影后楊千嬅同樣吼實金牌編劇陳寶華這套新作《多功能老婆》，雯女最終成為輸家。

不過3月8日 ,楊千嬅在《多功能老婆》記者會驚喜現身,落實自01年《美味情緣》後相隔17年後再回巢幫TVB 拍劇,千嬅出現令全場嘩然,就連她自己亦忍唔住表示:「我好似秘撈咁,唔知點解咁神秘,丁生就好似特務咁幫我去傾!」成功坐正女一顯然特別風騷。

高層杜之克及余詠珊邀請殿堂編劇陳寶華回巢幫 TVB開劇,新劇《多功能老婆》構思長達一年,寶華姐在記者會受訪,坦言籌備之初一早有女主角心水人選,而當時更完全冇諗過能成功請到千嬅拍劇。

互相欣賞

丁子高特務上身同無綫傾合作,唔單止劇中男主角之一黃浩然唔知千嬅是女主角,就連同陳寶華為角色傾洽大半年的鄧萃雯,亦在記者會揭盅一刻,才知角色已換人。

據知情者透露:「寶華姐同雯女合作咗好多次,當年佢已經成日讚雯女演技好,雯女亦經常話寶華姐係好難得嘅編劇,兩個可以話係互相欣賞,所以上年杜之克同Sandy(余詠珊)傾寶華姐返TVB 拍劇,雯女已經係佢心目中女主角第一人選。」

要求增肥

據悉陳寶華為雯女度身訂造角色,而創作出《多功能老婆》，寶華姐最初還要求雯女為角色增肥演出,因為角色講述本來係一個人人羨慕過住幸福生活嘅女人,後來發現老公有外遇,受咗好大打擊,婚姻破裂之後,要獨力撐起頭家,為咗減輕負擔,惟有將屋企出租,亦因此變成多功能老婆,遇上另一段感情關係。

據知情者透露:「為咗營造幸福少奶奶感覺,寶華姐一開始就建議雯女增肥,佢同雯女為咗角色性格同造型都傾咗好耐,雯女都係因為寶華姐先考慮返TVB再拍劇,因為雯女好怕飛紙仔,而寶華姐從來唔會飛紙仔,係有齊劇本先會拍,又肯遷就雯女休息時間。

店員招呼周到,更送埋千嬅出門口,孭住兩袋戰利品的她,睇落心情大好。

到上年10月,雯女已經露口風,公開表示好想同寶華姐再合作,又謂等緊佢寫好劇本。據知情者透露:「其實雯女同寶華姐上年9月已經就角色傾得七七八八,為襯雯女,寶華姐仲講過想搵吳鎮宇做男主角,所以雯女已有晒準備,預咗檔期畀無綫,佢好想好想再拍廣東話劇集,更加想同寶華姐再合作,真係冇諗過,最後空歡喜一場!」

近年主力在內地拍劇的鄧萃雯,為預留檔期拍無綫劇一直留港,早前一個人到海港城買嘢,之後行去停車場攞車離開。

打好關係

丁子高成立公關公司七年,一直有唔少圈中藝人給他意見,指公關發展始終有限,如果想有更大發展空間,一定要搞經理人公司,去年中,丁子高已計劃開設經理人公司。除了影后老婆楊千嬅做公司鎮山之寶,新公司還會傾洽其他藝人合作及簽新人。

據丁子高友人透露,丁生希望將公司大搞,捧新人係重要一環:「其實經理人公司已經成立咗幾個月,丁生一路都搵緊新人,亦好積極同TVB 傾合作,因為喺TVB 出鏡始終最入屋,佢同Sandy(余詠珊)都出嚟傾咗好多次,千嬅唱電視劇《三個女人一個因》主題曲,都係丁生去傾,丁生又請Sandy睇千嬅嘅演唱會,嗰時丁生已差唔多應承接呢個劇,仲肯自動減價,只係爭啲細節未傾。」

VIP 房傾

據知TVB高層向寶華姐提議起用千嬅做女一,雯女今次錯失同無綫合作的機會,原來有人在背後使橫手。寶華姐對於能同影后千嬅合作,亦認同會有新火花,更為千嬅修改劇本。有老公丁子高撐腰,影后千嬅由大銀幕,回歸小銀幕,幫 TVB 搶收視,成功將勢孤力弱的鄧萃雯踢走。

鄧萃雯：有同TVB有接觸

記：係咪會再拍劇？
鄧：自己好想用廣東話講對白，都係等緊啱嘅劇本，媽咪好想睇我做戲，但依家成日聽一把唔係我嘅聲配音。
記：同TVB有接觸？
鄧：一路都有聯繫接觸嘅，要等啱嘅劇本，同就到檔期先得。
記：有傳你已經接咗劇？
鄧：之前因為我去台慶頒獎禮頒獎，啲人覺得好奇怪，就覺得我會返嚟拍劇，呢個係大家嘅諗法，我咪順應大家諗法去講囉！
記：未有啱嘅角色？
鄧：老實講，依家啱嘅角色，唔係咁容易。啱啱出道嘅時候，係最容易有啱嘅角色，因為乜嘢角色都可以試，三十歲亦係容易啲有啱嘅角色，因為嗰啲角色，簡單啲，容易寫啲，但比較成熟嘅角色，唔係咁容易寫，依家廿幾三十歲嘅編劇，都冇興趣寫成熟嘅角色啦！