鄭爽手執不雅照?航空公司撐前夫免費護小孩回國

鄭爽手執不雅照?航空公司撐前夫免費護小孩回國
鄭爽手執不雅照?航空公司撐前夫免費護小孩回國

內地女星鄭爽接連被爆婚姻及欲棄養代母所生嘅一對子女,形象見底,更被全面封殺及脫粉,廣告商連番割席,劇集亦冇緣出街。有自稱係美國代孕機構負責人,爆料指鄭爽拖欠6.8萬美元(約54萬港元)代孕服務費。該負責人指鄭爽要求機構撫養2個小朋友,甚至開條件要求將孩子登記喺負責人名下,而鄭爽則每個月給予3萬元人民幣,孩子佢唔認亦唔想要,更加唔要孩子返中國,如果符合要求,鄭爽先會願意畀清尾數。

張恒表示自己同一對子女被迫留喺美國…
張恒表示自己同一對子女被迫留喺美國…

全國「仇爽」情緒高緒,「前夫」張恒更表示自己同一對子女被迫留喺美國,有傳係因母親不配合辦理簽字之故,竟然有航空公司喺呢個時候「送暖」,公開表示等鄭爽簽字後,就會免費送張恒同兩個小朋友返中國,但就有網友質疑航空公司係博出名,抽水賣廣告,因為該公司應該冇美國航線。

有航空公司表示會免費送張恒同兩個小朋友返中國。
有航空公司表示會免費送張恒同兩個小朋友返中國。
依家大家都等鄭爽簽字。
依家大家都等鄭爽簽字。

不過隨即網上瘋傳疑似鄭爽本人經營嘅小號(私人帳號),突然發出一張「肉色打格仔」照片,揚言將於2月11日公布無碼原圖,頓時引發外界瘋猜是否同之前鄭爽爸爸指控張恒「多次出軌、手機錄女生不雅視頻」嘅說法有關。不過該社交網又忽然刪走留言,並指自己唔係鄭爽。

2月就會公布無碼原圖?!
2月就會公布無碼原圖?!

另疑似張恒嘅前女友就喺網上發文,謂:「還好跑得夠早,不然被吃乾淨的就是自己了。」似乎在影射曾傳出張恒用鄭爽錢。發文又直指照顧兩個小朋友本身就係張恒基本責任,而唔係為立好爸爸人設去做。

鄭爽與張恒分手1年,近日被揭曾在外地結婚,依家仲搞緊離婚。
鄭爽與張恒分手1年,近日被揭曾在外地結婚,依家仲搞緊離婚。