關智斌罩實捧場

東方日報
·1 分鐘文章
關智斌、阿Sa結伴撐軒仔。
關智斌、阿Sa結伴撐軒仔。

張敬軒順利開騷,首場吸引不少嘉賓捧場,除老闆楊受成夫婦和楊政龍外,還有蔡卓妍(阿Sa)、鍾欣潼(阿嬌)、關智斌、泳兒、吳浩康、洪卓立、艾妮、周家怡、曾樂彤及霍啟剛夫婦等,據知阿嬌翌日要開早,所以開騷後即閃。

而吳浩康早於晚上7時許已抵達紅館,身穿牛仔衫褲、戴黑色口罩的他,揚言特地提早到場,避免人多及預足時間防疫。對於新冠肺炎疫情反彈,他自言做足防疫措施,但亦戥軒仔緊張及壓力大。不過,他沒有傳短訊為對方打氣:「我嚟已經係支持,開騷前唔好咁多Message佢,太多就好煩,現身支持最實際。(你都想快啲開騷?)今晚想軒仔Good Show先,自己都想,等所有嘢正常番先。」

楊受成夫婦
楊受成夫婦