阿爸係狄龍 譚俊彥 冇特別待遇
喺娛樂圈打滾十六年,至終於為咗留港多啲陪家人,決定簽約TVB。兩年光景拍劇拍劇又拍劇,兩年後證明譚俊彥呢個決定絕對正確,舊劇輪住出街套套有份、新劇又排住隊開緊工,演員苦心經營,咪就係等忙碌一日之嘛!
延伸閱讀:
譚俊彥 風光背後
呢頭至做完《天命》,即刻接住另一套主演《特技人》播出,呢個收成期譚俊彥都未有得抖吓享受吓,就繼續捱更抵夜日日拍新劇《十八年後的殺人告白》。
Shaun Tam(@tammerz)分享的貼文 於 PDT 2018 年 8月 月 9 日 上午 8:48 張貼
日前見到譚俊彥同陳山聰喺九龍城同新娘潭開工拍外景,官仔骨骨又高大威猛,譚俊彥換完戲服將雙手擺在身後,爸爸狄龍大哥個霸氣已經出晒嚟。原來除咗霸氣同身型,佢仲學老竇嘅專業態度學到十足,被口罩惡勢力捉咗上車挾持咗去新娘潭、頭笠黑布袋三個對一個撳落水苦刑侍候,全程不知幾投入演出,個頭一次又一次被撳入黃黃灰灰嘅水,連續拍咗好多個take,一除頭套,雖然半個身仲浸喺水度,但達到導演要求,佢仲笑笑口!呢啲咪專業囉!
簽約無綫後辛苦耕耘兩年呢期劇集輪住出街,譚俊彥原來又開緊新劇,日前身在九龍城為《十八年後的殺人告白》拍外景。
換晒一身老西戲服,官仔骨骨原來係被人挾持咗去新娘潭苦刑侍候,雙手仲放在背後係被索帶綁實。
劇中譚俊彥做奸角、陳山聰就飾演黑社會頭目,兩大奸人相遇,陳山聰企埋岸邊指使手下折磨譚俊彥。
實情之唔係演員風光背後,拍戲都要受唔少苦頭囉!譚俊彥被三個口罩黨挾實跪喺水中、蒙頭起勢撳落水,見到都牙煙。
每次撳落水五、六下、拍足五、六個shot,難得譚俊彥毫無怨言,仲笑笑口㖭!
成身濕晒、膝頭跪到入晒泥印,都話演戲係賺辛苦錢啦!
陳山聰晒肌
同場加映,仲有趕住換戲服一邊扣鈕一邊跑去埋位的黑社會大哥陳山聰,日日跑步又操弗,靚腹肌依家唔騷等幾時?
潮山聰即係潮山聰,黑社會大佬造型都走在時代尖端。
簽大台做親生仔 套套劇做男一!譚俊彥 拒靠父上位
現年38歲嘅譚俊彥唔經唔覺入行18年,雖然他是「星二代」,爸爸是資深演員狄龍 (原名譚富榮),但有指他的知名度不及爸爸,而多年來提起譚俊彥,大家都會加上「狄龍個仔」呢四個字。之不過自前年佢簽約無綫做親生仔,套套劇都孭重飛,包括已出街嘅《天命》、《特技人》,還有拍緊未出街的《包青天之再起風雲》、《十八年後的殺人告白》等!
不過,譚俊彥直言簽大台聽到不少冷言冷語,有人認為他憑什麼擔正做男主角,但他會更努力去工作,證明自己是肯做、有實力的演員,而不是靠父蔭上位⋯⋯
譚俊彥拍《特技人》受傷縫18針
譚俊彥在《特技人》有不少動作戲,例如飛車、爆破等危險場面,但他經常堅持親身上陣,連同劇嘅關楚耀都大讚佢好多戲都好搏,原來拍攝其中一場碌落山戲份,他的手掌被玻璃割傷,當場血流如注要送院治理,傷口要縫18針!
譚俊彥 《天命》做皇帝
早年主力在內地發展的譚俊彥,前年「回歸」香港,簽約無綫成為「親生仔」後,拍首部劇集《天命》已坐正做「男一」,夥拍視帝陳展鵬扮演的和珅鬥智鬥力,有觀眾認為飾演「嘉慶帝」的他穿起龍袍有帝皇風範,但也有網民則認為他太用力演出,略嫌過火!
還有兩部未出街的劇集,包括重頭劇《包青天之再起風雲》及《十八年後的殺人告白》,他都是「男一」!
譚俊彥接受傳媒訪問時透露,簽約無綫成為「親生仔」後,不少人都問點解他會拍TVB劇?憑什麼可以演這些角色?公司很多人會𥄫實他,看他到底懂不懂演戲。他說:「我唔敢講我演技好,但至少我會敬業,唔會遲到,每場戲都會做到最好!」
很多人也以為譚俊彥有父蔭,工作上也較順利,容易得到厚待。但他卻情形剛好相反:「以我的嘅身份,去到邊度都唔會有特別待遇,正因為我是狄龍的兒子,反而會付出更多的努力,去證明自己都有實力。」
入行18年 多做大茄
嘅譚俊彥自2000年加入爾冬陞旗下入行,拍咗套梅䒐芳主演嘅《慌心假期》,之後拍過《男人四十》、《少年阿虎》等電影,都只係做大茄。
03年譚俊彥轉戰內地,拍過林峯主演嘅古裝劇《陸小鳳與花滿樓》,以及劉愷威主演嘅《抓住彩虹的男人》等,但大家提起佢,仍然只記得係「狄龍個仔」。
2015年,譚俊彥同內地女演員任祉妍結婚,同年誕下大女譚晴(Renee),去年再誕細仔譚杺(Rex),湊夠一個「好」字。
譚俊彥說太太任祉妍是舞台劇演員,受過傳統訓練,工作會給很多意見。夫妻相處少不免有爭駁,但二人會以大局為重,讓一下對方!
上月底,譚俊彥38歲正日生日,他在社交網上載和老婆仔女及爸爸狄龍合照,留言:「Thank you so much for all the birthday wishes ❤(非常感謝所有的生日祝福)」。相中嘅譚俊彥抱住大女譚晴坐喺度,老婆就捉住佢隻手,而狄龍就抱住孫仔譚杺,幸福滿滿!
Shaun Tam(@tammerz)分享的貼文 於PST 2018 年 1月 月 2 日 上午 3:54張貼
狄龍都有幫手湊寶貝孫!
Shaun Tam(@tammerz)分享的貼文於PST 2018 年 1月 月 6 日 下午 10:52張貼
為家人回流香港
2016年譚俊彥由內地回流香港,簽約無綫做親生仔,佢話最大原因係想有更多時間陪屋企人:「我想陪多啲家人,尤其個女(譚晴),嗰陣(2015年)佢出世冇耐,我就即刻去咗開工,覺得欠咗佢哋好多,同埋我個女喺香港出世,所以想多啲時間喺香港,呢度就算我開到幾點,我都可以攬住佢,同佢哋多咗相處時間,呢樣係大陸拍劇,就算幾多錢都賺唔到。」
Shaun Tam(@tammerz)分享的貼文於PST 2017 年 11月 月 9 日 上午 3:52張貼
【延禧攻略】原來唔識跳舞? 皇后秦嵐 跳「洛神舞」靠演技搭夠
【延禧攻略】三大女主角 你最鍾意邊個?
【延禧攻略】清朝妃嬪化妝服飾神還原!于正:這不是咬唇妝
《延禧攻略》眾妃爭寵 邊個先係皇上最愛?
【特技人】自認負面新聞多 傅嘉莉:個角色同我好相似!
【特技人】打沙灘排球 朱晨麗著泳衣跳住玩波
延伸閱讀: