陳妙瑛、杜大偉重聚 網友激讚凍齡19年:《無頭東宮》回憶返晒嚟!

在2001年棄影從商的陳妙瑛近年已甚少公開露面,曾與她在2002年的古裝劇《無頭東宮》飾演過母子的杜大偉,日前忽然在社交網晒出他與陳妙瑛趁住農曆新年敍舊的合照,網友都大讚陳妙瑛凍齡多年,年屆48歲依然省鏡,令眾人對《無頭東宮》的回憶都返晒嚟!

文:東方新地|圖:杜大偉、向海嵐IG圖片、討論區截圖、新傳媒圖片庫

陳妙瑛 杜大偉 趁農曆新年共聚

93年選港姐入行,迅速彈起成為當家花旦之一,陳妙瑛做戲大把代表作,改行做生意一樣頭腦精明順風順水,創立健康國際有限公司做埋行政總裁,身家早已經億億聲。

陳妙瑛、杜大偉重聚
陳妙瑛曾在劇集《無頭東宮》中飾演皇后凌雲,杜大偉則是飾演其子凌丹。

今次杜大偉趁住農曆新年與陳妙瑛重聚,並留言說:「恭祝母后身體健康牛年行好運!」又晒出兩人的合照以及《無頭東宮》時的劇照。

陳妙瑛、杜大偉重聚
雖然曾合演母子,但其實現年48歲的陳妙瑛只比杜大偉大四歲。

網友都大讚陳妙瑛當年主演的《無頭東宮》非常好睇,更話見到這「兩母子」的合照,回憶當堂返晒嚟!

網友都對《無頭東宮》這部劇集充滿深刻回憶。
網友都對《無頭東宮》這部劇集充滿深刻回憶。
有網友指現在的TVB再拍唔出咁好嘅劇集。
有網友指現在的TVB再拍唔出咁好嘅劇集。
網友又大讚陳妙瑛依然好靚女。
網友又大讚陳妙瑛依然好靚女。
還有網友建議在《愛‧回家之開心速遞》飾演Peter的杜大偉邀請「母后」陳妙瑛重返幕前,客串演出《愛‧回家》。
還有網友建議在《愛‧回家之開心速遞》飾演Peter的杜大偉邀請「母后」陳妙瑛重返幕前,客串演出《愛‧回家》。
有網友封《無頭東宮》恐怖神劇,獲得五百多個網友贊同。
有網友封《無頭東宮》為恐怖神劇,獲得五百多個網友贊同。
有網友讚埋向海嵐演技都好掂。
有網友讚埋另一個女主角向海嵐演技都好掂。
話當年睇到心都痛埋!
話當年睇到心都痛埋!

其實杜大偉同陳妙瑛一直有聯繫,2019年杜大偉就曾po出與陳妙瑛及黎彼得的合照,笑言:「我們有說不完的話題,開心的一餐!」

陳妙瑛、杜大偉重聚
杜大偉、黎彼得同陳妙瑛在《無頭東宮》、《花木蘭》、《布袋和尚》等無綫劇都合作過。

此外有網友翻找出《無頭東宮》另一個女主角向海嵐在2018年與「換臉大師」魏駿傑、「皇帝」張兆輝的合照,慨嘆眾人中只得魏駿傑脹爆走樣。

陳妙瑛、杜大偉重聚
網友指陳妙瑛同向海嵐等人都Keep得好好,唯獨魏駿傑已勁脹走晒樣。

重溫陳妙瑛專訪:由「騰雞瑛」變「沙膽瑛」

當年陳妙瑛曾接受本刊專訪,大講她入行由「騰雞瑛」變身成為「沙膽瑛」的經過,原來「騰雞瑛」這個花名是由一個和她相熟的記者所改,她說:「嗰時我選港姐,因為要上台答問題,所以喺後台震騰騰,我份人就係咩都放晒喺面上。」

陳妙瑛、杜大偉重聚
陳妙瑛自言空閒時間好鍾意唱K:「以前相士話我唔拍戲做歌手,成就應該更高。」
陳妙瑛、杜大偉重聚
被問到擇偶條件,陳妙瑛答:「搵男朋友係講感覺嘅,不過我係一個機會主義者,可能會一遇到啱嘅就即刻結婚!」

陳妙瑛笑言:「記得以前喺TVB,我冇讀過訓練班,就去做live show同大騷主持,可能因為我高大啦,TVB想我向司儀界發展,對住幾百萬人講嘢,有稿都還好,但我講嘢已經唔算流利喎,講錯一句已經好大責任,一見到下面要我拉長兩分鐘,壓力就嚟喇,嗰時我得廿歲女,人生經驗又唔夠,我就驚到同公司講想調去戲劇組。」

陳妙瑛、杜大偉重聚
童年時眼仔碌碌的陳妙瑛,與大狗公仔相映成趣。
陳妙瑛、杜大偉重聚
小時候的陳妙瑛經常在父親經營的電器鋪打躉,「我的志願」是做生意。

陳妙瑛又憶述:「記得96年我做過一個籌款騷,叫我著泳衣,同幾個靚女跳落水池,我就𢱑爆頭,問監製What’s meaning呀,佢答『呢排你當紅,身材又好,捐款咪多啲囉!』我覺得要更有意義,佢話有,用牙拉巴士或者入箱玩爆炸,正!我就選擇咗後者。」

陳妙瑛、杜大偉重聚
陳妙瑛笑言母親十分時髦,從沒反對她做Model和選港姐,反而父親則較多微言。
陳妙瑛、杜大偉重聚
2006年陳妙瑛當選世界傑出華人兼獲頒榮譽博士學位,令這位女強人搖身變成陳博士,見到乖女成就卓越,陳媽媽當然笑到見牙唔見眼。

陳妙瑛續說:「爆炸完之後,特技人同我講『陳妙瑛下次唔好喇,你知唔知全世界,依家除咗你做過,就只有一個女特技人做過,如果我放歪少少,嗰千磅炸藥就向内爆,你就玩完!』仲有幾個男藝員,好似伊健、許志安都走嚟同我講『本來叫我做㗎!』哈哈,就係因為咁,以後大家都叫我『沙膽瑛』啦,我就係鍾意做一啲人哋估唔到我會做嘅事,好似冇人會估我去做生意咁!」

陳妙瑛、杜大偉重聚
因爲身形高大,陳妙瑛中學畢業後便投身模特兒界,她笑言當時相當好搵。
陳妙瑛、杜大偉重聚
初入行時,陳妙瑛從不介意展露美好身段,著泳衣騷胸只屬碎料。
陳妙瑛、杜大偉重聚
《無頭東宮》的醜女是陳妙瑛的代表作,她還說記得左眼下的大粒墨曾黐到她甩皮。

延伸閱讀:

41歲方力申同Stephy分手後四年冇拖拍 陳瀅篤爆小方媾過佢

麥美恩完成21日隔離出關 被問「放監」心情:我真係好想食譚仔呀|陀槍師姐2021