陳志雲爆商台員工搵MIRROR合照被工作人員鬧 盤點管理團隊7宗罪

早排叱咤頒獎禮上,奪得生力軍組合銀獎嘅MC $oHo & KidNey 上台話「Management(管理)好緊要,香港咁多問題就係因為Management唔好」。早排女團COLLAR出道,宣傳鋪天蓋地,竟然引爆出MIRROR fans對幕後團隊不滿,有網民直情開ig account大控訴,連花姐都要回應同道歉。點知話口未完,又多一單對MIRROR工作人員嘅負評。

陳志雲爆商台員工搵MIRROR合照被工作人員鬧 盤點管理團隊7宗罪
陳志雲爆商台員工搵MIRROR合照被工作人員鬧 盤點管理團隊7宗罪

陳志雲喺個人Youtube頻道講起姜濤被「私追」影響生活嘅話題,期間講起佢聽聞有商台同事喺MIRROR到電台受訪時要求合照,點知被MIRROR嘅工作人員幾唔禮貌地問「你邊個部門架?你嚟影相,有冇徵求過上司同意?」,搞到好尷尬。志雲大師話如果工作人員講聲「對唔住呀,今日真係唔可以多留影相喇」,相信對方都會明白。不過陳志雲最後都強調呢件事係聽返嚟嘅。

陳志雲爆商台員工搵MIRROR合照被工作人員鬧 盤點管理團隊7宗罪
陳志雲爆商台員工搵MIRROR合照被工作人員鬧 盤點管理團隊7宗罪

商台DJ楊樂笙share呢條片之餘,仲寫道「片段入面所講嘅,我都聽講過。都係嗰句,公關態度差,受害嘅只係藝人」。之前楊樂笙都有出post講起MIRROR IG管理員駁咀寸fans事件,佢話「其實Mirror身邊倒米嘅,又點止呢個ig admin? 我自己親眼見過同聽過都有唔少,說話非常難聽,態度極度惡劣」,似乎MIRROR身邊工作人員態度有問題並非傳言咁簡單。

除咗「工作人員態度差」之外,綜合近期報導同fans留言,MIRROR背後團隊起碼有5宗罪,隨時因為咁而影響「鏡仔」大好形勢!

IG自製公關災難

陳志雲爆商台員工搵MIRROR合照被工作人員鬧 盤點管理團隊7宗罪
陳志雲爆商台員工搵MIRROR合照被工作人員鬧 盤點管理團隊7宗罪

早前有Fans喺IG私訊MIRROR官方帳戶,對早前劇集《季前賽》嘅帖文用字提意見,但係MIRROR帳戶管理員態度好唔客氣;同一對話講到希望MIRROR管理團隊處理「私追」問題,管理員竟然寸爆回覆「我們封了九展(Viu總台位置)可以了吧?」。

陳志雲爆商台員工搵MIRROR合照被工作人員鬧 盤點管理團隊7宗罪
陳志雲爆商台員工搵MIRROR合照被工作人員鬧 盤點管理團隊7宗罪

依賴粉絲宣傳

鏡粉向來落力幫手宣傳,甚至落力過ViuTV本身團隊。Fans不滿MIRROR官方帳戶疏於發文,早前新城同商台頒獎禮MIRROR掃獎,竟然一個post都冇出過。近期MIRROR成員Stanley、Lokman同Frankie參演劇集《IT狗》,MIRROR官方帳戶同樣冇聲氣,直到近期fans反映完先至做嘢。

成立官方fan club走數

控訴ViuTV管理不善嘅IG帳戶「viu_pls_do_ur_job」其中一篇帖文提到,MIRROR成團時Viu有承諾成立官方fan club,但係一拖再拖冇晒影,最後仲默許fans自行管理粉絲團,令到MIRROR甚少官方周邊產品推出,近期嘅演唱會blu ray碟嘅銷售安排又十分混亂。

MIRROR ERROR最新IG人氣排位 盧瀚霆力壓姜濤稱王 追蹤人數2個月升80%
MIRROR ERROR最新IG人氣排位 盧瀚霆力壓姜濤稱王 追蹤人數2個月升80%

唔覆各方伙伴

小編知道有行家約鏡仔訪問約極都約唔到,最誇張係約足一年都俾唔到期!另外亦收到風有慈善團體想搵MIRROR經理人花姐同寶姐跟進合作事宜,但係打極電話都冇人聽。

作品推出零規劃

鏡粉對於管理團隊嘅作品推出安排有疑惑,認為每次都係趕死線,例如BOSS拍MV當日連錄音排舞都未完成,成日有延誤,更令fans擔心係影響演出質素,從而影響埋團隊名聲。

有金主先有團魂?

鏡粉希望ViuTV正視MIRROR團隊精神,團歌可以齊人做宣傳,全員出席活動唔止係有「金主爸爸」先至做,並且建議開拍固定嘅MIRROR全團參演綜藝節目,令成員更有默契兼保持團隊人氣。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!