陳瀅身材變化 搵方力申負責

東方日報
·2 分鐘文章
陳瀅坦言「如果好鍾意」,不介意女追男。
陳瀅坦言「如果好鍾意」,不介意女追男。

方力申與陳瀅因合作拍節目再傳緋聞,雖然他們聲稱只是好朋友,但陳瀅大讚小方是認識的男士之中心地最好,小方亦讚她孝順,互笠高帽。

陳瀅昨日與方力申在將軍澳電視城出席J2節目《Tiger's Talk》記者會,節目中她除下戒指要小方「求婚」,令緋聞甚囂塵上。活動上,他們被問到舉動是真心還是假意?陳瀅說:「向來都話佢條件好好。」小方則被高層樂易玲踢爆情人節時確實有送花給陳瀅。

2人受訪時強調雙方是好朋友,小方說:「嗰集節目講我哋單身有乜擇偶條件,飲咗酒就愈講愈放。(講出真心話?)唔係,節目效果啫!」陳瀅則說:「我哋雖然冇乜合作過,但係喺一個慈善團體中識咗好耐。成日都話佢係一個好好嘅男仔,係我認識男仔裏面最善心、心地最好,環島泳亦好佩服。(等佢主動?)如果好鍾意,我都會做主動,不過我只係話佢好好,冇話好鍾意。」她又澄清最近隔離期間,對方沒有送花,但有送珍珠奶茶及寫卡,覺得相當sweet,小方即笑說:「聽落送珍珠奶茶仲sweet過送花!覺得佢好有孝心,所以同佢打氣。」陳瀅聞言笑說:「所以我肥咗關你事。」

伍詠薇最想訪問周潤發

節目最近在J2播出後即成為今年節目收視冠軍,樂易玲明言添食,主持伍詠薇說:「今輯主要係TVB嘅嘉賓,出面嘅嘉賓都未請,請埋開5輯都唔夠。(想請咩嘉賓?)周潤發係我偶像,如果有生之年可以同佢做訪問就無敵,仲有鍾楚紅、張曼玉,訪問到呢3位係我嘅夢想。」

方力申與陳瀅不避嫌於記者會上玩不停。
方力申與陳瀅不避嫌於記者會上玩不停。