陳煒情人節拍拖攝太歲

東方日報
·1 分鐘文章
陳煒今年忙拍劇,冇時間辦年貨。
陳煒今年忙拍劇,冇時間辦年貨。

牛女陳煒與同齡男友陳國強,今日趁情人節齊齊去攝太歲,有別一般慶祝活動,果然夠新鮮!她笑說:「情人節大家都好隨意,但我哋都屬牛,今年犯太歲,所以一齊去拜太歲,祈求牛年平安,比較實際!」每逢農曆新年,她都會準備賀年菜讓朋友大快朵頤,但今年忙於為無綫劇《黯夜守護者》開工,每日由朝拍到晚,沒有時間辦年貨,但她從未投訴,笑言自己「似隻牛」!問到願望,她祝願大眾「很牛」:「呢句話喺內地係讚人好勁、好強嘅意思,我要借用一下,讚香港人個個都咁勁!」

她又透露除夕當日,為《黯》劇拍了一場出浴戲才收工:「場戲冇乜性感,但就好有氣氛,因為煙霧瀰漫。我第一次見工作人員用熨斗噴蒸氣出嚟,真係好似喺浴室咁,辛苦佢哋!」

陳煒祝大家似隻牛咁勁!
陳煒祝大家似隻牛咁勁!