陳芷尤轉戰新加坡榮升女一撇甩「張振朗舊愛」稱號 比堅尼照大曬惹火身材

陳芷尤（Apple）畀人嘅認識可能係擁有惹火身材嘅張振朗舊愛，喺無綫一直無發圍機會，演藝事業發展平平；自回復單身及離開無綫後，陳芷尤返咗家鄕新加坡發展，拍攝多套電影及網劇，早前更榮升賀歲片女一，事業與人氣可謂幾級跳。

33歲陳芷尤於2011年參選港姐，及後加入藝訓班成為合約藝員，當年與張振朗緋聞傳得㷫熻熻，不過直至分手時才正式承認有過一段情。陳芷尤離開無綫後，喺新加坡憑住國民電影《新兵正傳》為人熟悉，之後電影及網劇拍攝機會不斷，仲曾拍攝過《殺手不笨》、《神奇之吻》及《我的左鄰右里》等台灣電影及網劇。今年初首當女一嘅賀歲電影《女兵外傳》亦喺新加坡及馬來西亞上映。陳芷尤曾透露喺新加坡嘅收入與待遇都比無綫好，例如無綫好多時需要連踩幾日拍攝，有開工冇收工；而新加坡規定每日最多拍攝12小時，拍7日就要放1日，陳芷尤坦言唔會再返香港拍劇。

近日，陳芷尤就去咗泰國度假，不時喺IG分享度假照，其中一張比堅尼沙灘照就被網民大讚性感火辣。陳芷尤除咗分享性感照，平時都會發布與松鼠狗Soju嘅點滴，去邊都帶住愛犬之餘亦著上親子裝；而陳芷尤就曾分享愛犬Soju鑽入T-Shirt內嘅帖文，Soju狂踩陳芷尤上圍撒嬌，網民紛紛表示好羨慕隻狗，笑指做陳芷尤隻狗真幸福。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！