陳豪出關拍拖 陳茵媺「不設防」影靚相

家有前港姐冠軍嬌妻陳茵媺與3名子女的陳豪，由於一直要開工，疫情下緊張得罩不離口，即使在家仍戴2個口罩，而且幾乎戴足24小時，連瞓覺都戴住！

近日這位「防疫達人」稍微放下戒備，偕老婆孖公仔出巡買餸，而且買足兩粒鐘，撇低細路專心拍拖。兩公婆沿山路去超市，去到近山腰時，扮得靚靚的陳茵媺忍不住叫老公揸機，除一除口罩露出靚樣留倩影，其後即時笠番實登車，僅於飲珍珠奶茶及進食時才拉低口罩。