陸浩明咁款 何遠東跑步變瘦 居然仲有210磅
近年唔少演藝學院畢業生殺入TVB,肥嘟嘟嘅何遠東係其中一個。東東喺《十八年後的終極告白》演肥仔富演出精湛,加上肥仔身型好易認。不過最近何遠東比起以往睇落瘦好多,睇落足足細一個碼!
東東出席新劇記者會時,唔少娛記都留意到佢身型唔同晒。東東話呢排鍾意緩步跑,發現即使仲係食好多嘢,個人都瘦落去。東東好謙咁話可能只係衣著顯瘦,仲自爆而家磅數有210磅,已經重過之前。
睇返資料,4年前何遠東原來有280磅,加上飲食唔健康,試過腸道有腫瘤要切除。而呢一兩年睇東東post IG嘅相,都開始發覺佢逐漸面尖尖,減吓減下有幾分似陸浩明!
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!