雪條食極唔融 港媽驚揭成份含卡拉膠 網民籲買前睇清楚

雪條食極唔融 港媽驚揭成份含卡拉膠 網民籲買前睇清楚
雪條食極唔融 港媽驚揭成份含卡拉膠 網民籲買前睇清楚

夏日炎炎,無論細路大人都會想食雪條、雪糕涼吓。但近日接連爆出有雪糕疑出現問題,內地更有雪條用火機燒、日曬30分鐘都唔融,惹起食安疑雲,而本港亦疑似出現類似情況。有網民周日晚(10日)在Facebook群組「香港雪糕關注組」貼出一款「食極唔融」的內地雪條,並指與早前報道的問題雪糕一樣含有「卡拉膠」成分,事主更直呼「舐嘢(中招)」。

涉事網民上載兩張雪條的相片,從包裝可見產地為上海某食品公司」,並指該款雪條「食極唔融」,成分中更含與「鐘薛高」同款的添加劑「卡拉膠」,令其質疑該雪條是否同樣有問題。她表示:「見到阿女食住行嚟行去食極都仲有,都唔係好融,就知舐嘢......(成分)正正係卡拉膠。」網民得悉後反應不一,有人固然有所擔憂,「買前要睇清楚」;但亦有不少人指許多品牌的雪糕也有同類成分,「卡拉膠好常見,貓狗乾糧都有,係食用膠之一」、「唔使太大驚小怪,好(多)產品都係」。

其實,根據食安中心食物添加劑指南,「卡拉膠」、「黃原膠」同屬本港合規格的食物添加劑,主要用作乳化及增稠劑用途,只要成分不高於「優良製造規範限制」的最高含量即可,所以市民暫無須過度緊張。

有港媽指內地某品牌雪條「食極唔融」。
有港媽指內地某品牌雪條「食極唔融」。
網民得悉後反應不一,有人指許多品牌的雪糕的成分亦含卡拉膠。
網民得悉後反應不一,有人指許多品牌的雪糕的成分亦含卡拉膠。
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能