頓悟人生：活着便精彩 霆鋒託命陳木勝 憶恩師落淚

英皇電影《怒火》是謝霆鋒與陳木勝合作的最終章，提到恩師患鼻咽癌不幸離世，霆鋒覺得人生很諷刺，但亦有所悟：「只要唔係傷害人，想做就去做。」

霆鋒與已故導演陳木勝由電影《特警新人類》、《新警察故事》、《寶貝計劃》、《男兒本色》、《新少林寺》到《怒火》一直合作無間。霆鋒憶起故友兼恩師，即時眼泛淚光，指對方是他最信任、拍過最多危險動作、「交條命畀佢嘅導演」，並坦言睇戲時不禁流下男兒淚：「呢10幾年冇流過眼淚，但係太多生死關頭交過畀佢，睇戲諗番起場戲點拍、佢講過嘅說話。」

未拍《特警3》留憾

他為《怒》片配音時才得知陳木勝病重，感慨說：「喺北京配音，臨時話導演嚟唔到，配完音兩日之後導演就走咗。當係我諗多咗，我覺得佢係要知道霆鋒配埋音，完成咗件事。一個唔煙、唔酒、唔發脾氣嘅人，但鼻咽癌離開？真係好諷刺，所以只可以話每日活着便精彩，珍惜每一日，只要唔係傷害人，想做就去做。」他指陳導的品行及風度都是人辦，從未見過有導演似他一樣沒脾氣，當中最難忘對方當年對他、吳彥祖、馮德倫及李璨琛一班新丁說：「呢班𡃁仔全部係新人，只可以用菲林嚟洗禮佢哋。」可惜眾人一直渴望開拍的《特警新人類3》還未成事，陳導已離開人世。

甄子丹留手保靚樣

霆鋒為新片苦練雙手「蝴蝶刀」與甄子丹的短棍兇險對戰，他說：「香港動作片好耐冇呢啲咁實淨嘅打鬥場面，會睇到咬牙切齒。有場戲丹哥捉住我個頭喺鋼琴上拖行，係會損㗎，但就係動作片一部分，丹哥知道大家靠面口搵食，導演用咗半日先說服到佢拍。」