雅虎香港新聞 香港野餐8款平靚正外賣推介！沙律、主食、甜品、飲品統統齊！
朋友J約野餐，大家一呼百應，但港女們開始發表意見「好忙唔得閒煮」、「唔想食M記、KFC」、「可唔可以食平啲？」...一連串對話等同暗示大家懶之餘又想以平價錢野餐食好西。為滿足港女朋友，唯有做定功課列出港九新界平靚正野餐外賣選擇，涵蓋沙律、主食、甜品和飲品，今次野餐保證人人滿意！
野餐外賣沙律前菜類：12NOON
12NOON提供營養杯麵、三文治、沙律、熱湯、冷壓果汁和無糖甜品，所有食品每天均在自家中央廚房以新鮮天然食材烹製而成，更有素食人士的餐單如無麩質的香橙藜麥沙律杯、純素日式焗豆腐沙律等等。
中環店地址：德輔道中173號南豐大廈地下G7號舖
灣仔店地址：皇后大道東183號合和中心3樓310B舖
設Food panda 和Deliveroo送餐服務
野餐外賣主食類：華御結
壽司是野餐必備食物，但在郊外倒醬油芥末，確實麻煩。不少港鐵站都設華御結分店，成為大家野餐取代件裝壽司之選，一人一件夠方便又衛生。華御結最新推出珍寶御結，三款口味包括照燒三文魚扒配明太子沙律、沖繩風火腿扒玉子和黑椒雞扒拼金平牛蒡，份量是一般御結的三倍，保證男生野餐都食得飽！
另外還有最新拌飯飯糰系列，口味有素食者可食用得昆布茶豆拌飯飯糰、沖繩風豚肉野菜拌飯飯糰和櫻花蝦醬油拌飯飯糰。小編試食過，最鍾意櫻花蝦醬油拌飯飯糰，啖啖櫻花蝦，非常滿足，好想打孖上呢！
野餐外賣主食類：K-ROLL
除了日式飯糰，足料韓式壽司也是野餐之選。K-ROLL進駐部分港鐵站，提供多種口味的韓國壽司及紫菜卷，前者有牛肉、蟹肉沙律、吞拿魚沙律、蔬菜和經典口味；後者有雞肉、豆腐蜜糖、辣豆腐、蝦配料。想跟朋友share或獨食均可！即使野餐地點附近的港鐵站未見K-ROLL縱影，也可用Food panda叫外賣！
設Food panda 送餐服務
野餐外賣小食類：炸雞
被喻為日本炸雞店元祖及擁有超過40間分店的「天下鳥」今夏進駐大埔！沙田大埔野餐友一定要試！。天下鳥的日式炸雞採用名種日本博多雞，即叫即炸，皮脆肉嫩多汁，更有多達15種自選醬料配搭炸雞，如傳統的蛋黃醬，大根蓉柚子醋、山賊醬等口味！
野餐外賣小食類：章魚燒
就在天下鳥旁，日本章魚燒連鎖店「はち八(88)」亦聯同開業。其章魚燒在日本不時大排長龍，皆因它們每粒以外皮香脆、內餡軟糯見稱，再配搭5款自家調配醬料，味道正宗又有特色！
地址：大埔超級城B區1-2樓一田超級市場
野餐外賣主食／甜品類：八月堂
台灣過江龍牛角包品牌八月堂去年殺入香港，帶來超過10款不同口味的牛角包，吸引許多牛角包控。重點口味推介有濃郁奶油香的蜂巢可頌、黑芝麻麵糰再加上新鮮黑芝麻漿為内餡的曜黑芝麻、充滿鹹香的灸燒明太子...鹹甜口味都有，價錢不過十多元起，是CP值高又夠飽肚的野還外賣之選！
地址：香港康怡廣場(南)AEON STYLE康怡 G11 舖 (地鐵太古站 C出口)
野餐外賣甜品類：芋圓
芋圓控注意！香港各區都有不少芋圓專門店，凍熱食一樣得，與其整啫喱布甸做野餐甜品，何不來一碗芋圓？台灣的鮮芋仙強勢登陸香港，以新鮮自家製食材為賣點，配上芋頭、刨冰、珍珠、紅豆等台式甜品常見的配料，隔著熒光幕都流口水了！當然還有其他芋圓店推介，今夏野餐消暑全靠它們！
地址：銅鑼灣登龍街18號 V POINT地下1號店
野餐外賣飲品類：手工啤
野餐都想chill D？手工啤一定是to-buy list之一。臨時想買手工啤，小編推介去city’super！今季超市也有引入不同本地手工啤品牌，包括門神 閻王四川啤酒、Yardley Brothers 快跑！泰國辣椒酸啤酒、Heroes AB-48 The Curious Fiery Capsicum - Michelada Gose啤酒、少爺啤黑無常啤酒等等，滿足愛辣的啤酒迷，來一趟double hot野餐體驗！
推薦閱讀:
➤ 精選特色離島渡假屋！睇日落、海上、郊區 總有一款啱你心水
➤ 【拍拖好去處】10個香港日落靚景位 跟另一半睇咸蛋黃談情！
Follow us on:
Facebook: CosmoHK
Instagram: @cosmopolitan_hk
YouTube: CosmopolitanHK
