馬國明恨做老竇 抱囡唔放

錯過了主演劇集《寶寶大過天》多次宣傳的馬國明，昨午歸隊會合拍檔岑麗香、商天娥、龔慈恩、朱斐斐、吳沚默等現身電視城。活動上馬國明全程抱着劇中囡囡童童（梁芯語），大講「BB話」又自稱爸爸，即被商天娥取笑：「好快到佢嘞！」

原本打算繼續留在內地一段時間的馬國明，早前接獲通知要拍攝新劇《隱形戰隊》，故要抽身回來。對於有傳《隱》劇原本由陳展鵬主演，他說：「唔清楚但都唔介意，公司調動好正常。（擔心唔夠時間準備？）會，今朝返嚟受訓，攞住支輕機槍都有十幾磅重，依家抱住童童覺得佢好輕。（你似乎好想做爸爸。）隨緣啦！」

而朱斐斐劇中演「印尼姐姐」，其演出開始引起觀眾注意，原來她事前做足功課，既不時與印傭交談，又曾到中環走一圈，觀察印傭的談吐舉止。