馮盈盈擇偶 至愛光頭「胖」侶

東方日報
·1 分鐘文章
馮盈盈
馮盈盈

馮盈盈、薛家燕、林盛斌(Bob)、張秀文及衛志豪等,昨日出席《送鼠迎牛開運王》的拜神儀式。近日盈盈在節目《#後生仔傾吓偈》表示「閃婚實出事」,被指暗寸醫生舊愛Martin,她澄清:「我絕對冇呢個意思,係節目效果,我係講自己情況,因為我對閃婚比較陌生,連對象都冇,對於Martin我係大方送上祝福。」

希望得到更多關注

她笑言自己可能因此事及撞車新聞,前日登上網上熱門搜尋第10位,希望新一年愈來愈旺及獲得更多關注。期間Bob表示會介紹男士給她認識,盈盈即笑言喜歡似他一樣身形圓碌碌、光頭的男士:「佢係出名媒人王。(唔要醫生?)有好多選擇。(有咩要求?)搞笑幽默有趣,好似Bob咁。(好似Bob嘅外表呢?)正呀呢啲!好特別,我鍾意非主流。」

同場的衛志豪與拍拖3年的阮兒分手,他坦言2人沒有爭拗,亦沒有發生特別事情,對分手原因感模糊,但會接受及尊重對方決定。而薛家燕透露為防疫,今個農曆新年不會到長輩家,改為網上拜年。

盈盈讚Bob幽默搞笑,合作節目絕冇悶場。
盈盈讚Bob幽默搞笑,合作節目絕冇悶場。
張秀文配合節目穿上旗袍。
張秀文配合節目穿上旗袍。