黃明德黎展峯勁講爛gag冧師姐 鄧小巧：「佢哋好得意。」

由鄧小巧主理，一連兩日於將軍澳中心的「巧巧生活市集」日前順利完成。首日除了市集部份，小巧更率領兩名師弟黃明德（Dark）及黎展峯（Andy）齊齊唱遊市集，氣氛熱鬧。

這次市集舉辦得相當成功，小巧坦言十分開心，「今次搞市集，係希望大家有個空間可以慢落嚟，停下聽吓歌，放慢步伐都係『巧巧生活』嘅一個部分。好高興好多歌迷特登過嚟，而附近嘅住戶路過停落嚟聽吓我哋唱歌，見到佢哋開心我都開心。」首次跟Dark及Andy兩位小師弟合作，小巧表示二人雖然經常講爛gag，但十分得意，不過她笑說其實自己是師妹，皆因二人比她早入公司，問到她做細的好處，她便說：「做細嘅好處係可以用『係啊？我唔知』嚟掩飾自己嘅大懵。」

至於Dark及Andy則謂超級開心，除了有機會可以在商場做show唱歌，更可以參與師姐的市集活動，大家一齊釋放壓力，更可以找到生活中的小確幸，學會怎點樣「巧巧生活」。二人坦言小巧唱歌超級好聽，是一個很nice的前輩，跟她首次合作，獲益良多，「好喜歡小巧師姐嘅甜美笑容，永遠都帶比其他人一種好開心嘅感覺！佢係唱功超級穩定嘅歌手，佢喺台上面同觀眾嘅互動好好睇，值得學習。」對小巧稱二人為師兄，他們立即表示不敢當，阿Dark笑說既然是「師兄」，希望送份禮物給「師妹」，「我會嘗試作一首歌俾佢。」而Andy則謂會約小巧一齊做運動，「特別係因為最近轉天氣，希望同大家一齊強身健體！」