黃翠如曾有奇怪艷遇 自爆被猖狂已婚男鹹豬手

陳敏之嘅個人YouTube頻道節目《Chi Chat》曾邀請過唔少藝人作客，而呢班嘉賓都總會有一啲突破性嘅話題，成功吸引網民關注。節目最新一集就有黃翠如（Priscilla）做嘉賓，期間佢仲講到自己喺旅遊時曾與鹹豬手，及與蕭正楠去旅行所發生嘅趣事。

黃翠如喺入行後主持過唔少旅遊節目，所以佢喺最新一集《Chi Chat》亦有談及旅遊經驗，當被問到有冇艷遇時，翠如就話自己間唔中都有奇怪嘅艷遇，而佢去拍旅遊節目時有一個當地人成日同佢傾計，仲要係一個靚仔，敏之就搞笑問「靚唔靚過蕭正楠」，而翠如起初迴避問題，之後再話：「呢個世界冇人靚仔過蕭正楠」，之後翠如繼續話對方就表示幫佢著當地服裝，當對方用扣針幫佢扣上衣服時，翠如感受到對方碰到佢條腰，嗰一刻佢感到唔舒服。去到當晚，對方仲大膽到去敲翠如嘅酒店房門，令翠如嚇親兼感到不安，之後就假裝洗澡。事後亦令黃翠如覺得好嬲：「我就諗你當我係咩人呢」

去到第二日下晝，對方帶咗老婆同黃翠如一齊吃飯，當時嬲到爆嘅翠如就當面質問對方：「係喎～噚日你做咩事係咁敲我門嘅？我話你有嘢搵我呀？我噚日有聽到㗎，不過夜晚我費事開門。」之後對方同老婆都冇講嘢，對方只係笑一笑就了事。而翠如就話一開始覺得對方靚仔，所以好多嘢都係好，不過之後嘅行為，令到佢覺得「靚仔都可以唔好」。

之後，翠如亦講到非洲當地人用幾多動物向佢提親，當時對方只願意用兩頭羊向佢提親，因為非洲人係鍾意肥胖嘅女人，越肥胖越值錢，所以佢之後話自己身形唔符合西方國家嘅審美標准。

另外，翠如亦有提及蕭正楠係一個好聽話嘅人，無論佢去邊同用咩方法去旅行，蕭正楠都會跟住而唔會問好多問題，同時亦唔會投訴，指有一次佢哋前往英國黑池，翠如訂咗一間環境好差嘅酒店，而成間房仲要鋪滿廁所嘅磚，令蕭正楠覺得自己好似「坐監」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！