黎美言改「露」線 有深溝唔怕遲

東方日報
·2 分鐘文章
黎美言炮製韓風女團形象,大玩性感令人耳目一新!
黎美言炮製韓風女團形象,大玩性感令人耳目一新!

歌手黎美言(Winkie)經歷喪弟之痛後,新一年重新振作,釋放隱藏10多年的「湯碗胸」展示女人味!雖然被指「露得太遲」,但她覺得「30出頭」才是最美的時候。

連日來在社交網發放性感相的Winkie,一改以往的運動裝束打扮,驚覺原來是有料之人!她昨日受訪時說:「想形象大革新!其實讀大學嗰陣着得仲少布,身為舞蹈員,着得性感係尊重呢個行業。入行嗰陣係想行嗰種韓國女團嘅性感形象,但唔覺意行錯咗易入屋嘅可愛路線,加上要顧及其他成員,唔可以鍾意着乜就着乜。」又感激旗下的廣告公司專業團體,為她精心炮製這個韓風女團形象。

懶理另一半擔心

對於被指是「遲來的解放」,她亦有所認同:「好似遲咗啲……但係我依家嘅年紀,先係啱啱綻放女人味嘅時間。」又指因疫情關係,有機會留家食「好嘢」,令身材變得完美,更自爆胸部好波動:「我減肥一定先瘦胸,身材一時一樣,好跳動㗎!」不過身為3間學校校長的她,「返學」時都會較莊重,至於另一半有否擔心她被睇蝕?她稱懶理對方想法,覺得有靚女友應感自豪。

現已升呢為商界女強人,Winkie揚言不會放棄演藝事業,只是想法跟以往不同:「舊時做跳唱歌手係事業,依家係興趣,我都好享受做Boss,經營生意先搵到錢。」

黎美言享受做Boss,但不會放棄演藝事業。
黎美言享受做Boss,但不會放棄演藝事業。