雅虎香港新聞 
30歲又如何？盤點不經不覺已29+1的女藝人
30歲可能係香港唔少女性嘅一個心理關口，因為這是一個剛告別妙齡時光，開始步入初熟嘅階段。唔講都唔覺，下文一眾女星亦已經由初入行嘅一臉稚氣，變成散發女人魅力嘅成熟美，稱佢哋𡃁妹又太後生、熟女又過份老，輕熟索女就剛剛好！依家一齊睇睇今年踏入29+1的女星包括邊幾位？
撰文：東方新地｜圖片：新傳媒圖片庫、Instagram、twitter
延伸閱讀：
《義不容情》第5-9集劇情 | 周海媚登場暗戀溫兆倫、有康有健兄弟多次爆爭執
《義不容情》第1-4集劇情 | （附精華片段！）藍潔瑛演活窮媽媽梅芬芳 捲入謀殺案被岳華判死刑
原來佢哋都已經30歲！
連詩雅 (出生日期：1988 年 6 月 29 日)
連詩雅(Shiga)於2010年正式出道，翌年參與演出電影《喜愛夜蒲》，Shiga更憑此片在電影導演會年度大獎獲得年度新晉演員銅獎，因而開始備受關注。Shiga除了出晒名有一雙白滑長腿，亦唱過唔少大熱歌曲。話咁快今年就30歲嘅Shiga，繼續在演藝事業上打拼，相信除了外貌愈見女人味外，工作表現亦會更見成熟。
修長美腿夠煞食
連詩雅身高172cm，身材高佻，一雙長腿非常煞食！
力谷事業線嘅moment
當年兩集《喜愛夜蒲》，算唔算係連詩雅代表作？
拍ETV講英文
朱千雪 (出生日期：1988年6月28日)
朱千雪為2012年嘅港姐季軍，更是近年最受歡迎嘅港姐之一，原來千雪BB今年都已經踏入30之齡！千雪喺唔少劇集演出都備受好評，《EU超時任務》凌晨風一角成為經典，更與王浩信獲《萬千星輝頒獎典禮2016》嘅「最受歡迎劇集搭檔」獎，之後喺《踩過界》亦有不俗表現。好學嘅千雪現時正攻讀緊法律博士學位，邊讀書邊拍戲，美貌與智慧並重！
有意轉職法律界
為了專心攻讀法律博士課程，千雪BB近年都減少拍劇，只係做一啲較簡單的主持及商演，而早前更有報道指即將畢業的千雪，已獲著名律師行招攬預留職位，而佢本人也有意淡出幕前轉職法律界！如果係真嘅話，實在非常可惜！
孖靚湯拍《3日2夜》
千雪早前另一索女湯洛雯去日本拍攝《3日2夜》，兩大美女同場非常吸睛！
回到2012年
朱千雪當年選港姐時，同依家確係有啲分別呢！
Janice Man (出生日期：1988年12月29日)
14歲以𡃁模入行嘅Janice Man(文詠珊)，可謂香港𡃁模界鼻祖，近年同周秀娜等模特兒一樣參與多套電影演出，漸轉型成為一名專業演員，更兩度獲提名金像獎最佳女配角！時光飛逝，Janice Man下個月(12月29日) 就踏入三字頭，除了打扮漸變成熟，愈來愈索外，相信喺演藝事業上都大有機會再上一層樓！
走演技派路線
近年Janice Man參演唔少電影，而且唔再演一啲靚女花瓶角色，例如喺《寒戰2》及《赤道》等都有亮眼表現，走演技派路線！
那些年𡃁模鼻祖
當年Janice Man同Angelababy一樣，可謂𡃁模界兩大鼻祖之一，瘋魔萬千少男少女！
梁洛施 (出生日期：1988年6月23日)
感覺上細睇到佢大嘅梁洛施（Isabella)，今年已經係29+1！Isabella 12歲就踏入娛樂圈從事模特兒工作，拍過唔少電影亦有唔少歌唱作品。至2009年，佢為富商李澤楷誕下一子，2010年再誕下一對雙胞胎男嬰，可惜翌年佢向外發聲明指與李澤楷已正式分手，而三個孩子則會共同撫養。
已為三子之母
那些年嘅小女孩梁洛施，如今已為三子之母。
復出拍戲
梁洛施今年10月出席賀歲電影「恭喜八婆」開鏡拜神儀式，係佢復出後首次接拍嘅電影。
那些年青春無敵
Isabella當年確係青春無敵！擁有標緻美貌及172cm身高，迷倒不知多少男士！
許亦妮 (出生日期：1988年11月13日)
許亦妮，唔知大家仲有冇印象，2011年嘅香港小姐季軍兼係當年嘅最上鏡小姐！其後加入咗無綫做藝員，但星途就一直麻麻。今年30歲嘅許亦妮上年同無綫滿約後，亦逐漸淡出娛樂圈。佢曾經宣布改名為「許芷熒」，但早排又話叫返「許亦妮」。
星途一般 身材火辣
雖然星途一般，但許芷熒身材夠晒火辣，唔知踏入30之齡，會唔會喺演藝事業上有轉變？
日本篇
小嵨陽菜 (出生日期：1988年4月19日)
日本女團AKB48前成員小嶋陽菜，有幾正有幾索相信唔使小編多介紹，雖然已經唔再係女團成員，而且已經踏入30歲輕熟女之齡，不過陽菜曝光率有增無減，尤其佢喺社交網非常活躍，不斷有性感靚相益粉絲，如何可以不愛她！
內衣品牌寵兒
小嶋陽菜擁有天使臉孔加魔鬼身材，胸形完美配上蜜桃臀，係唔少男女粉絲心目中的性感女神，自2013年起就一直係內衣品牌代言人。
「Peach John」經典廣告
呢個小嶋陽菜為「Peach John」拍攝的內衣廣告夠晒經典，相信男士們都一定睇過！陽菜喺廣告中演出可愛又演出，笑容超甜美，騷身材之餘又唔會覺得賣弄色情，難怪多年來都係內衣廣告寵兒！
美胸女王經典重溫
小嶋陽菜自出道以來就備受關注，樣子標緻可人，大眼睛同性感厚唇非常誘人，但最攞命係其弗爆身材，其D級上圍曾被票選為「最理想美胸」冠軍，經常又不吝嗇出「股」惑，真係冇得輸！
陽菜「股」惑系列
戶田惠梨香 (出生日期：1988年8月17日)
15歲就出道嘅戶田惠梨香，多年拍過無數劇集同電影，其中早年拍攝《死亡筆記》飾演角色彌海砂而聲名大噪，當年小編我都有因為佢而睇呢套電影。唔經唔覺戶田今年8月都踏入3字頭，樣貌比以前成熟了不少，以前可愛學生妹嘅感覺完全褪去。
新垣結衣(出生日期：1988年6月11日)
新垣結衣，唔使多介紹，N次被選為「最想佢做老婆/女朋友」之冠，日本國民級仙氣女神，原來都話咁快就即將踏入30歲。演出無數嘅結衣BB，無論喺電影定電視界都多次獲獎，可見演技一直備受肯定，去年《逃避雖可恥但有用》更創下熱潮！
堀北真希 (出生日期：1988年10月6日)
同樣今年就踏入30歲嘅堀北真希，當年由星探發掘入行。2005年首次拍攝電視劇《電車男》，其後因擔任《野豬大改造》的女主角而人氣急升，仲有小編大愛嘅《花樣少年少女》！堀北真希於2015年與同為演員、現時41歲嘅山本耕史結婚，佢婚後正式宣布退出演藝圈，專心做個靚人妻。
延伸閱讀：
