50歲陳霽平轉行補習老師出英文書 凍齡有術全靠五招護膚

陳霽平
陳霽平

前TVB藝人陳霽平(Maria),與TVB喺2008年結束賓主關係之後鮮有出席公開活動,逐漸淡出幕前工作。擁有高學歷嘅陳霽平,現時係一名英文補習老師及作家,不時喺社交網站教授英文,深受大眾喜愛。

喺台灣出世嘅陳霽平,爸爸同媽媽都係台灣人,後來一家來港定居。佢喺小學畢業後便前往美國升學,之後更到加拿大升讀多倫多大學,主修商業及心理學系。畢業後再返香港喺香港中文大學修讀傳理系碩士,之後於中大傳理系擔任過助教。另外,Maria亦精通多國語言,包括英文、普通話、廣東話、日文及法文。

而陳霽平嘅入行經過可以話係相當得意,就話喺1995年佢為咗完成大學功課,於是參選香港小姐作體驗,之後就加入娛樂圈。佢加入TVB後,主力以拍劇及節目主持為主,拍攝過唔少經典劇集,例如有《戀愛自由式》、《金枝慾孽》、《天幕下的戀人》、《鳳凰四重奏》及《律政新人王II》等等,當中憑《金枝慾孽》寶嬋姑姑一角獲觀眾關注及獲《2004年度萬千星輝賀台慶》「本年度我最喜愛的飛躍進步女藝員」提名。星運平平嘅Maria,喺2008年拍攝《珠光寶氣》後便與TVB結束13年嘅賓主關係。回復自由身後,佢除咗遠赴美國拍攝電影《殊不簡單》之外,佢仲參與過HKTV嘅劇集拍攝,例如《我阿媽係黑玫瑰》及《三面形醫》等等。

而現時陳霽平就係一名英文補習老師及作家,口才了得嘅佢間唔中都會擔任品牌開幕及宣傳活動嘅司儀工作。Maria喺2005年便就出書教授英語心得,再喺2013年推出真人發聲手機應用程式,教大家常用英語及準確讀法。另外,佢亦有喺社交網站教授英文,例如廚具、時裝品牌、《復仇者聯盟》角色等讀音。Maria保養得宜,雖然佢已經50歲,不過真係喺佢外貌及身形上都冇留下太多歲月嘅痕跡,絕對係一名美魔女。Maria喺接受傳媒訪問時就透露五大護膚及保養心得,包括從不飲酒,八成飲食係吃素、有機食物,做運動,及每天睡眠8小時。

陳霽平
陳霽平
《金枝慾孽》截圖
《金枝慾孽》截圖
《律政新人王II》截圖
《律政新人王II》截圖
陳霽平
陳霽平
陳霽平
陳霽平
陳霽平
陳霽平

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能