72歲劉永墮買樓騙案被呃6萬血汗錢 朋友取笑：秦始皇都敢呃

72歲劉永（原名：劉添爵）1986年拍攝亞視劇集《秦始皇》飾演「嬴政」一角為人熟悉，近年主要於內地生活及發展，亦有擔任製片及演出。日前，劉永墮入買樓騙案，更被朋友取笑：「秦始皇都敢呃！」。

劉永早前參加睇樓旅行團，打算購入廣州黃埔區「萬薈瓏寓」複式新房屋，已預先提交人民幣$60,000訂金，但當第2次付款時發現原來係騙案。劉永感慨騙徒連老人家血汗錢都要呃，為咗唔會再有更多市民墮入圈套，將於今日（23日）與律師一同舉行記者會，帶上買樓嘅文件詳細交代被騙經過，並提醒香港市民於大陸買樓時需要注意嘅事項。

劉永曾有過3段婚姻，但最終都係離婚收場；與台灣藝人戴良純80年代因拍劇撻著，但有指二人時常爭執，其中一次劉永更用利器劃傷女方臉部，遭女方父母以殺人未遂罪名告上法庭，被判兩年六個月刑期，但劉永選擇潛逃返香港，結果不能再入境台灣。1992年再婚黎燕珊，8年後有傳劉永涉及家暴，二人於2004年離婚。第3段婚姻則係與比自己年輕30歲嘅黃麗燕結婚。婚姻僅維持12年宣告終結。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！