73歲李龍基與37歲女友Chris原定今年拉埋天窗 因一事將婚期押後：人不能勝天

被稱為TVB「御用皇帝」嘅73歲李龍基，與年齡相差36年嘅女友Chris Wong展開「爺孫戀」，唔經唔覺二人已經拍拖4年，女友經常與李龍基出雙入對，更不時上載二人與朋友合照到社交網站，非常甜蜜。喺今年年初，李龍基接受傳媒訪問，期間表示計劃於今年內與Chris拉埋天窗，不過而家已經12月尾，依然未有二人婚期消息。有傳媒採訪李龍基，佢就否認「縮沙」，只係婚期要延遲。

喺今年年初，李龍基接受傳媒訪問表示與女友Chris仲未結婚，打算於今年內低調結婚及唔打算擺酒，原因係Chris未想公開婚訊，所以李龍基就話結婚會問准女方家長意見，至於禮金及日子方面就要北上見咗家長先決定。而家都已經12月尾，仲有唔夠十日2023年就完結，不過仲未有佢哋嘅婚期消息，有傳媒採訪李龍基，問佢係唔係「縮沙」，佢就表示婚期要延期，因為Chris屋企有白事，紅白相沖，所以最快都要等多兩個月，李龍基慨嘆「人不能勝天，隨緣啦」！

李龍基係圈中嘅隱形富豪，有傳佢喺中港兩地一共有7個物業，佢曾經講過怕自己先走一步，所以將名下7個物業全歸Chris名下，等佢可以有保障及生活無憂，真係非常豪氣！另外，雖然佢已經73歲，不過佢同Chris唔單止冇代溝，性生活仲非常協調，因為佢喺20年前已經開始注重保健，除咗唔煙唔酒之外，佢嘅生活亦非常檢點，所以佢表示自己依然有心有力。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！