Anson落力跳舞累欣宜爆傷口

東方日報
·1 分鐘文章
欣宜讚Anson舞功高強。
欣宜讚Anson舞功高強。

歌手鄭欣宜及組合MIRROR成員盧瀚霆(Anson Lo),昨日出席虛擬銀行活動。欣宜表示首次與男方拍廣告,感覺好正:「其實我哋仲有其他合作演出,大家都好鍾意跳舞,所以一拍即合。」談到她拍攝時剛做完急性盲腸炎手術,她笑言Anson拍最後鏡頭時跳得很落力:「見到佢咁樣,我都要更落力,唔可以輸!」Anson即大爆:「之後先發現佢因為呢個鏡頭而爆咗傷口。」欣宜笑言:「但依家冇事啦,好番晒,跳舞勁啲都得。」

期間欣宜講到標汗,男方即細心遞紙巾幫她抹汗。另外,講到MIRROR即將開騷,Anson表示雖然排練辛苦,但仍可應付,又自爆抱恙在身:「所以依家盡量唔同其他人講嘢,希望大家唔會以為我寸。」