Anson Lo又成受害者？一擰轉頭疑遭KC藐爆 網民狂轟不尊重

Anson Lo@MIRROR繼成「試當真」嘲笑對象引發熱議後，今日又爆出被同屬「造星」節目，同公司兼同為舞蹈員出身的黃家灝（KC）藐爆，網民狂轟KC不尊重對方，再度引來熱烈討論。

今日同是ViuTV藝員的MIRROR成員Anson Lo與Stanley、KC及拍檔田曜誠（Tsoul），還有新簽約的香胤宅（Lyman）等一同出席活動，本來新聞焦點都放在Lyman終於動筆簽約之上，但有眼利網民翻看活動片段，發現KC、Tsoul疑似藐爆Anson Lo！當時同在台上的Anson Lo，轉頭向KC及Tsoul打招呼，而二人都有笑笑點頭。但當Anson Lo一擰轉頭，KC即與老友Tsoul作出微妙表情，看來對Anson Lo並不賣帳。網民發現後，一面倒批評二人欠尊重，網民指：「人哋咁禮貌同你打招呼，你擺出一副睇唔起人嘅眼神，仲要人哋擰返轉頭，你喺度口噏輕挑乜X，人哋Anson Lo都識得尊重啦」、「公眾場合我以為佢會扮吓嘢，結果佢完全唔扮」等。