Coffee林芊妤外傭姐姐因財務問題被追數 多次出錢幫忙最終忍痛解約
香港有唔少家庭都會聘請外傭姐姐,幫忙分擔家務、照顧小朋友及長者,不過早前林芊妤(Coffee)嘅外傭姐姐因財務問題為佢哋一家帶嚟困擾,最終只好忍痛解約。
Coffee近年主力教授瑜伽及專注KOL工作,創立自家瑜珈服品牌CoffeeSweat;至於感情方面,Coffee喺2018年與老公翟志榮結婚,並育有一子翟德彥(伯伯),可謂事業家庭兩得意。不過最近佢因外傭姐姐嘅財務問題而被騷擾,雖然已經多次幫忙,不過問題未有解決。最終只好忍痛與外傭姐姐解約。Coffee噚晚喺IG出限時動態話:「因為姐姐有財務問題,其實我哋之前已經幫咗好多次,不過好似越來越多間公司寄信黎(嚟),到最後仲有財務打俾我老公,所以老公上星期最後決定同姐姐解約,即係代表而家我哋冇姐姐,即係代表我二十四小時一定唔夠用。以後想喺IG story見到我都難,而家專心做翟師奶,最開心嘅係彥彥,因為除咗返學時間之外就會見到我,仲要一定係我地(哋)其中一個送佢返學接佢放學 #大家有姐姐介紹記得話我知」。
之後,Coffee再上載老公喺屋企照顧囝囝及幫手做家務嘅限時動態,分別寫道:「不過呢幾日老公都好乖好少出去,仲幫手做家務又洗碗,佢話知道我無左(咗)姐姐會好忙,又要做野(嘢)又要開會又要清潔又要湊仔,I'm so lucky having you in my life」及「佢話清潔工作交俾佢,冇姐姐嘅好處,老公對呢個屋企投入程度高左(咗)少少 #好容易滿足既(嘅)女人」。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!