Edan呂爵安承認同林明禎了解中 「大家畀啲空間我」經理人花姐幫埋口

尋日馬季開鑼，Edan呂爵安去到沙田馬場參與開鑼日表演，原來Edan咁大個仔第一次入馬場，仲買咗2場馬試下手氣，但係2場都鋪草皮，仲要2場都買中包尾同尾二馬匹，難怪佢都自稱燈神。需知「兒登」曾經喺綜藝節目度被稱為黑氣石……

另一樣，就梗係回應緋聞。早前傳出Edan同林明禎外遊期間約食飯，因而傳出戀聞。明禎下星期來港同fans見面，被問到有冇同對方開「見面會」，Edan表情明顯唔同晒，話私下約都得，仲叫記者手下留情，唔好難為明禎。之後Edan又細細聲講咗句「大家畀啲空間我」然後交出一個謎之微笑。記者當堂起哄想知Edan同林明禎而家係了解中定發展中，Edan再三強調係「了解中」，仲話「再係咁俾大家講落去就……唉。」。呢個時候MIRROR經理人花姐立即幫口打圓場話「阿媽知道就阿媽話你聽啦……所以你（Edan）你唔好講呀，我未知架」。Edan就話有好消息會被大家知。

而喺表演完畢之後，Edan喺社交平台發布佢同隊友Anson Lo（盧瀚霆）、Stanley（邱士縉）為近排生日嘅Jeremy（李駿傑）及經理人花姐食生日飯。Edan仲抵死地喺caption問另一隊友Jer（柳應廷）去咗邊！

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！