J2不正常愛情研究所｜林映暉受催眠自爆抗拒著比堅尼 擔心大家只關注自己身材

無綫J2台節目《不正常愛情研究所》最新一集（12日）以「失戀催眠 Move On 套餐？」 作為研究題目，邀請「有故事的人」催眠師Catman擔任嘉賓，講解點樣透過催眠解除失戀的傷痛，同時亦指可以喺潛意識層面，解決「你怕面對，但又不知點解」嘅問題，主持人之一嘅林映暉（暉哥）被委派接受挑戰，期間佢自爆一直抗拒喺拍攝時著比堅尼或泳裝。

喺未進行催眠時，暉哥自爆一直抗拒喺拍攝時著比堅尼或泳裝，並話第一次著嘅時候全身震晒，唔知自己係驚鏡頭定係驚觀眾喺電視睇到。之後，Catman就幫暉哥催眠嘗試找出原因，好快被催眠嘅暉哥憶述自己第一次著比堅尼嘅經歷，雖然當時暉哥被工人姐姐讚身材好，不過佢覺得感覺好奇怪同困惑係唔係一件好事：「唔通真係要大啲？」之後，暉哥再話：「由中學開始，發現其他人都唔係咁大，我好似同人哋唔同咁，好似好突出咁，係唔係做得唔夠好」，暉哥擔心大家只係關注佢嘅身材。

現年25歲嘅林映暉（暉哥），因細個時受到台灣男子組合棒棒堂嘅影響，再加上自己熱愛跳舞及演戲，所以佢喺2016選擇前往台灣升學，入讀樹德科技大學表演藝術系學士課程，再喺2020年於台北藝術大學修讀一年制藝術行政與管理研究所碩士課程。去到2022年，暉哥除咗喺女僕cafe任職之外，佢仲開始主持TVB喺台灣製作中心嘅旅遊節目，例如《開餐：台灣3點3》及《自然系女子日本旅行》等等，最近更為《不正常愛情研究所》擔任客席主持。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！